A Collection Of Proverbs from Drango -8 | Mandala Collections - Audio-Video

23 Mar 2016

1 min 1 sec

Audio Overview

Creators:

Nyanyang Group

A nomadic proverb from Drango, Ganzi Prefecture, Sichuan

Proverbs from Nomadic Areas of Sichuan

གནམ་སྔོན་པོ་འབབ་རེས་ཐང་རེས།
ས་སྔོན་མོ་སྐྱ་རེས་སྔོ་རེས།
ཕ་གཅིག་རུང་ཕོ་བ་མི་གཅིག
སྔས་གཅིག་རུང་རྨི་ལམ་མི་གཅིག
ཕ་དམ་པ་ཆང་གིས་བཟི་རུང་།
དོན་དམ་པ་རླུང་ལ་མི་བསྐུར།
ཕོ་ཚིག་ཡིན་ན་བརྟན་དགོས།
དུང་མདོག་ཡིན་ན་དཀར་དགོས།
སྐྱེས་ཕོ་རབ་ཚིག་ཐོག
འཕར་བ་རྗེས་ཐོག
ཕྱི་གྲོས་ལྕགས་རི་བསྐོར་འདྲ།
ནང་གྲོས་མཁར་བཙན་བརྩིགས་འདྲ།
ཕྱི་ཡི་དུག་ཆུ་ནང་ལ་བླུགས།
ནང་གི་བདུད་རྩི་ཕྱི་ལ་འཕོས།
ཕྱི་རྫ་རི་སྨུག་པོ།
ནང་རྫ་ཁོག་སྐམ་པོ།
བུ་བཟང་ན་དཔའ་བོ་གཅིག་གིས་ཆོག
ཆང་བཟང་ན་དཀར་ཡོལ་གང་གིས་ཆོག
བྱ་ཁྭ་ཏས་གནམ་འཕང་མི་ཆོད།
མི་ངན་པས་རང་མགོ་མི་ཐོན།
བོས་ན་མིང་ཅན།
བགོས་ན་སྐལ་ཅན།
བྲག་དམར་དཀྱིལ་ལ་ལམ་ཞིག་ཡོད།
འཇིག་རྟེན་བོད་ལ་དཔེ་ཞིག་ཡོད།
བླ་མ་རེ་ལ་ཕྱག་ལེན་རེ།
ལུང་བ་རེ་ལ་སྐད་ལུགས་རེ།