A Collection Of Proverbs from Drango -14 | Mandala Collections - Audio-Video

28 Mar 2016

1 min 5 sec

Audio Overview

Creators:

Nyanyang Group

A nomadic proverb from Drango, Ganzi Prefecture, Sichuan

Proverbs from Nomadic Areas of Sichuan

ཐང་ཆེན་པོའི་དཀྱིལ་ན་མེ་ཏོག་མང་།
སྡེ་ཆེན་པོའི་དཀྱིལ་ན་ཕྱུག་པོ་མང་།
གནམ་གྱི་སྐར་མ་འོད་ཅན་པོ།
ས་ཡི་མེ་ཏོག་མདངས་ཅན་པོ།
མཐོ་ནས་གནམ་ལ་ཟུག་འདྲ།
དམའ་ནས་ས་ལ་སྐྱེས་འདྲ།
མེ་ཏོག་ཆུང་རུང་མཆོད་པ་ཡིན།
གུར་གུམ་ཉུང་རུང་བུམ་རྫས་ཡིན།
ཕ་དམ་པ་ཆང་གི་བཟི་རུང་།
དོན་དམ་པ་རླུང་ལ་མི་བསྐུར།
ཕ་བུ་ལོ་སྟག་འདྲ་གཟིག་འདྲ།
མ་བུ་མོ་ལྷ་འདྲ་ཀླུ་འདྲ།
ཕྱི་ཡི་རི་མོ་བཀྲ་ཤིས་རྟགས་བརྒྱད་ཡག
ནང་གི་རི་མོ་རྒྱལ་སྲིད་སྣ་བདུན་མཛེས།
བྱ་རྒོད་པོ་འཕུར་ན་གཤོག་རྩ་འདར་ས།
སྟག་དམར་ཡག་མཆོང་ན་སྙིང་རྩ་འདར་ས།
མ་སྲུ་མོའི་གནས་ལྷ་འཁོར་ས།
བུ་ཚ་བོའི་དགྲ་ལྷ་མཆོད་ས།
མི་མཁས་པ་ཐག་རིང་ཡུལ་ན་གྲགས།
བློ་རིག་པ་རྒྱལ་ཁམས་ཀུན་ན་གསལ།
མི་ཐམས་ཅད་དགའ་རྒྱུ་དཀའ་མོ་རེད།
ཡུལ་ཕ་མ་དགའ་ན་དྲིན་ལན་རེད།
མེ་ཏོག་སེར་ཆེན་སྤང་གི་རྒྱན།
མཛའ་མཐུན་མགྲོན་པོ་ཁྱིམ་གི་བརྒྱན།