A Collection Of Proverbs from Drango -10 | Mandala Collections - Audio-Video

23 Mar 2016

1 min 2 sec

Audio Overview

Creators:

Nyanyang Group

A nomadic proverb from Drakgo, Ganzi Prefecture, Sichuan

Proverbs from Nomadic Areas of Sichuan

གཞན་ལ་བསམ་པ་ནག་ན།
རང་ལ་སྦྱོར་བ་རྩིབ།
མི་གསོད་གནམ་གྱིས་མི་ཁེབས།
སྐྱོན་ཅན་རྒྱལ་པོས་མི་ཁེབས།
མེ་ཏོག་ཆུང་རུང་མཆོད་རྫས་ཡིན།
ཀུར་གུམ་ཉུང་རུང་སྨན་རྫས་ཡིན།
རྨ་ཆུ་མ་རིག་ན་སྐོམ་མི་སོད།
ཇོ་བོ་མ་རིག་ན་སེམས་མི་དག
རྩམ་པ་རང་གིས་ཟོས་ནས།
རྩམ་ཁུག་མི་མགོར་བསྐོན།
ཚིག་རྩ་བ་ཅན་ལ་ཉན་རྒྱུ་ཡོད།
བ་ནུ་མ་ཅན་ལ་བཞོ་རྒྱུ་ཡོད།
ཚིག་གསུམ་བཤད་དབང་མེད།
གོམ་གསུམ་སྤོ་དབང་མེད།
ཚེ་གཅིག་གི་སྐྱ་ཡ།
ཁལ་གཅིག་གི་དོ་ཡ།
རྫ་ཁྲ་ཡག་ཡན་ན་གངས་ཡོད།
གངས་དཀར་པོ་ཡན་ན་གནམ་ཡོད།
རྫུན་ཨ་བྲ་གཉིས་ཀའི་རྔ་མ་ཐུང་།
བདེན་ལུང་བ་གཉིས་ཀའི་ཕུ་ཐག་རིང་།
བཞི་བརྒྱ་ནད་ཀྱི་འབྱུང་གཞི།
དམར་ནག་དུག་གི་ས་བོན།
ཟ་རྒྱུ་མང་ན་ནད་ཡིན།
བཤད་རྒྱུ་མང་ན་གྱོད་ཡིན།
ཟས་མི་ལག་བརྒྱུད་ན་ཇེ་ཉུང་ཡིན།
གཏམ་མི་ཁ་བརྒྱུད་ན་ཇེ་མང་ཡིན།