A Collection Of Proverbs from Drango -1 | Mandala Collections - Audio-Video

23 Mar 2016

1 min 1 sec

Audio Overview

Creators:

Nyanyang Group

A nomadic proverb from Drango, Ganzi Prefecture, Sichuan

Proverbs from Nomadic Areas of Sichuan

དཀར་ཡོལ་བཅག་ན་འཚེམ་སྲོལ་ཡོད།
སྒོ་ང་བཅག་ན་སྦྱོར་སྲོལ་མེད།
བཀུག་བཀུག་ན་འཆག་འགྲོ།
འཐེན་འཐེན་ན་ཆད་འགྲོ
སྐད་ཆ་ཉུང་རུང་མགོ་རྔ་ཚང་།
ལུང་བ་ཆུང་རུང་རྩྭ་ཆུ་འཛོམས།
སྐད་ཆ་མང་ན་འཁྱལ་འགྲོ
སྐུད་པ་རིང་ན་ཆད་འགྲོ
སྐད་འདར་བའི་གླུ་ལ་སྙན་མོ་མེད།
ལག་འདར་བའི་བྲིས་ལ་ཡག་པོ་མེད།
སྐྱིད་ཀྱི་རྟ་ཕོ་མཉམ་ཞོན།
སྡུག་གི་ཁུར་བོ་མཉམ་འཁུར།
སྐྱིད་རེ་སྡུག་རེ་མ་བརྒྱུད་ན།
སྐྱིད་སྡུག་ཁ་ཁར་འབྱེད་པ་དཀའ།
སྐྲག་མི་དགོས་ཨ་ཕ་རྒྱབ་ན་ཡོད།
ལྟོགས་མི་དགོས་བྲོ་ཁ་རུམ་ན་ཡོད།
ཁ་ཁུ་བྱུག་བཞིན་དུ་སྙན།
ཁོག་གཞུ་མོ་བཞིན་དུ་འཁྱོག
ཁ་མཁས་པ་རྡོ་རྗེ་གཅོད་པ་རེད།
བློ་རིག་པ་འཛམ་གླིང་ཉི་ཟླ་རེད།
ཁ་ཆེ་རུང་སྣ་ཡི་འོག་རེད།
ཆུ་ཆེ་རུང་ཟམ་པའི་འོག་རེད།
ཁ་སྟོང་ནང་གི་ཚིག་སྟོང་།
ལག་སྟོང་ནང་གི་ཕྱག་རྒྱ།