05 Aug 2019
9 min 19 sec
Audio Overview
Creators:
Tashi Gyel
འདི་ནི་ཆོས་ལུགས་ཀྱི་ཆོ་ག་ཞིག་སྟེ་སྦྱིན་སྲེག་ལྡུག་པ་དེ་ཡིན།
- འོད་སྲུང་།སྦྱིན་སྲེག་ཟེར་བ་ཞིག་ལྡུག་པ་ཡོད་པ་རེད།
- དེ་ལྡུག་རྒྱུ་ཡོད་ན།
- སྦྱིན་སྲེག་དེར་ལྷ་རེ་རེ་ལ་སྦྱིན་སྲེག་ཡོད་པ་རེད།
- ལྷ་རེ་རེ་ལ་སྦྱིན་སྲེག་ཡོད་པ་རེད།
- སྦྱིན་སྲེག་དེ་ལྡུག་དགོས་ན།
- སྔོན་ལ་སྦྱིན་སྲེག་དེར་བདེ་ཆེན་བཅུ་གཉིས་ཡོད་པ་རེད།
- བདེ་ཆེན་བཅུ་གཉིས་དེ་གང་རེད་ཟེར་ན།
- གྲོ་ནས་སྲན་མ།
- སོ་བ་དང་དེའི་འཕྲོ་ནས་འོམ་བུ།
- དེའི་འཕྲོ་ནས་རྩྭ་དུར་བ་རྩྭ་ཀུ་ཤ།
- ཁྱད་པར་བ་ཞོ་སྲན།
- ཏིལ་དང་ཡུང་དཀར།
- དེའི་འཕྲོ་ནས་མར་སྐུ་བཅུ་གཉིས་པོ་དེ་རེད།
- བཅུ་གཉིས་ཡོད་པ་རེད།
- བདེ་ཆེན་བཅུ་གཉིས་ཟེར་བ་རེད།
- བཅུ་གཉིས་པོ་གོང་ནས་རྩིས་པ་དེ་ཚོ་རེད།
- དེ་ཚོ་ཡིན་ན་རང་གིས་དེ་གྲྭ་སྒྲིག་བྱས་ཏེ།
- སྦྱིན་སྲེག་པའི་ཨ་ཁུ།
- རང་གི་དུ་འབོད་ཐུབ་པ།
- བཅུ་ཐམ་པ་འབོད་ཐུབ་བམ།
- ཉི་ཤུ་འབོད་ཐུབ་བམ།
- ལྔ་དྲུག་ཅིག་འབོད་ཐུབ་ན་དེ་ཞུས་ན།
- དགོང་མོ་ཕེབས་པ་རེད།
- དགོང་མོར་ཕེབས་ནས་ཡོང་སྟེ།
- དེ་ཚང་མ་ལས་ནས་གྲྭ་སྒྲིག་བྱས་ཏེ།
- མཆོག་པ་གསུངས་དགོས་པ་རེད།
- རང་གིས་རྟ་འགྲིན་གྱི་སྦྱིན་སྲེག་ལྡུག་རྒྱུ་ན།
- རྟ་མགྲིན་གྱི་མཆོག་པ་གསུངས་ཏེ་བསྔགས་གསོག་དགོས་པ་རེད།
- དེ་ལས་གཞན་འཇིགས་བྱེད་ཀྱི་སྦྱིན་སྲེག་ལྡུག་རྒྱུ་ན།
- འཇིགས་བྱེད་ཀྱི་མཆོག་པ་གསུངས་ནས་དེའི་བསྔགས་གསོག་དགོས་པ་རེད།
- དེ་ཡིན་ན་གང་ལྟར་ཀྱང་སང་ཉིན་སྔ་མོར།
- རྟ་མགྲིན་གྱི་སྦྱིན་སྲེག་ཡིན་ན་ཡང་དེ་རེད།
- སང་ཉིན་སྔ་མོར་ལངས་ཏེ།
- འདི་ནས་སྦྱིན་སྲེག
- ས་ཐོག་འདི་ནས་ལྡུག་དགོས་ན།
- དེར་སྦྱིན་སྲེག་ལྡུག་སའི་ས་ཞིག་དགོས་པ་རེད།
- ས་ཏོ་འདྲ་བ་ཞིག་དགོས།
- དེ་ས་གཞན་ཞིག་ལ་སོང་སྟེ་འཁུར་ནས་ཡོང་དགོས།
- གཞན་ཞིག་ལ་སོང་སྟེ་འཁུར་ནས་ཡོང་དགོས་ན།
- དེ་གང་འདོད་ཀྱིས་བླངས་ན་ཆོག་པ་མ་རེད།
- སྦྱིན་སྲེག་གི་བླ་མ་དེས་ཀ་གཏོར་ཞིག་གཏོང་དགོས།
- ཀ་གཏོར་དེ་ཁྱེར་ནས་སོང་སྟེ།
- ས་ལེན་ས་དེར་འཕངས་ན་ས་དེ་བསླངས་པ་རེད།
- ས་དེ་བསླངས་རྗེས་རང་གིས་ས་དེ་འཁུར་ཏེ་ཡོང་ནས།
- རང་གི་ནང་ཡིན་ན་ཆོག་གི
- སླེ་ར་ནང་ཡིན་ན་ཆོག་གི
- སྒོ་ཁ་ཡིན་ན་ཆོག་གི
- གང་ནས་སྦྱིན་སྲེག་ལྡུག་རྒྱུ་དེར་བླུགས་ཏེ།
- གྲྭ་བ་རྣམ་པ་ཚོས་སྦྱིན་སྲེག་གི་ས་རྩིགས་དེ་བརྡུང་བ་དང་།
- དེའི་སྟེང་དུ་སྦྱིན་སྲེག་གི་པདྨ་འདབས་བརྒྱད་ཀྱི་རི་མོ་བྲིས་པ་དང་།
- ཨོ་ལེད་་་དེའི་འཕྲོ་ནས་མེ་ར་རྡོ་ར་དང་བཅས་པ་ཁ་ཚང་ལ།
- ཐིག་བརྒྱག་པ་རེད།
- ཐིག་བརྒྱབ་རྗེས་མཚམས་དེ་ནས།
- རང་གི་ཨ་ལགས་ཚོ་བཞུགས་ས་དེར།
- ཨ་ལགས་བླ་མར་ཁྲི་བརྒྱབ་པ་དང་།
- ཨ་ལགས་ཚོར་བཞུགས་གདན་བཏིང་ནས།
- ཨ་ལགས་འཕྲོ་མར་དེ་ལྟར་བྱེད་དགོས།
- དེ་ཡིན་ན་དེ་ན་མཆོད་གཡོག་གཉིས་ཡོད་པ་རེད།
- མཆོད་གཡོག་གཉིས་ཀར་ཅོག་ཙེ་རིང་བོ་བཞག་སྟེ།
- ཅོག་ཙེ་རིང་བོ་ཆེན་པོ་གཉིས་བཞག་སྟེ།
- དེའི་སྟེང་དུ་རྫས་གདན་ཟེར་བ་ཞིག་གཏོང་དགོས།
- རྫས་གདན་གྱི་མདོག་དཀར་པོ་ཡིན་དགོས།
- དཀར་པོ་ཡིན་ན་རས་བཟང་ཁྲེ་རྩེ་བཅུ་གཉིས།
- དེ་འདྲའི་རས་བཏིང་ན་ཁེབས་པ་རེད།
- དེ་ཡིན་ན་དེའི་སྟེང་དུ་རྫས་ཆེན་བཅུ་གཉིས་ཟེར་བ།
- གཞོང་བ་ལ་སོགས་པའི་ནང་དུ་རྫས་བཞག་ཡོད།
- རྫས་དེའི་རིམ་པ་བཤད་ན།
- ངས་གོང་ནས་བཤད་པ་དེ་རེད།
- གྲོ་ནས་སྲན་མ།
- སོ་བ་ཏིལ་ཡུང་དཀར།
- དེའི་འཕྲོ་ནས་ཁྱད་པར་བ་ཞོ་སྲན།
- རྩྭ་ཀུ་ཤ་རྩྭ་དུ་བ།
- དེའི་འཕྲོ་ནས་འོམ་བུ།
- དེའི་འཕྲོ་ནས་མར་སྐུ།
- དེ་ཚོ་བཅུ་གཉིས་ཀྱི་མིང་ལ་རྫས་ཆེན་བཅུ་གཉིས་ཟེར།
- དེའིི་སྟེང་ནས་ཅོག་ཙེ་དེ་བཞག་སྟེ།
- དེའི་སྟེང་དུ་དེ་བསྒྲིགས་ཏེ།
- དེར་དགོས་པ་ཞིག་ལ་ད་དུང་གོས་གཟུང་ཟེར་བ་ཞིག་དགོས།
- གོས་གཟུང་ཟེར་བ་དེ།
- གོས་སེར་པོ་ཞིག་གི་སྟེང་དུ་དཀར་པོ་ཞིག་དགོས།
- དེ་དགོས་ན་དེ་ཅི་འདྲ་ཞིག་དགོས་ཟེར་ན།
- དེ་མང་པོ་དགོས་པ་མ་རེད།
- རང་ལ་ཡོད་པ།
- རང་གི་ཁྱིམ་ཚང་གི་འཛོམས་ཚོད་ཀྱིས།
- འགའ་རེ་ཡིས་ཁྲི་བཅུ་རེ་འཕེན་པ།
- དེ་མ་རེད་འགའ་རེ་ཡིས་ཁྲི་དྲུག་རེ་བདུན་རེ་འཕེན་པ།
- མ་མཐའ་ཡང་།
- ཁྱིམ་ཚང་ཅི་འདྲ་ལ་ཁ་རིམ་སྐུ་རིམ་གྱི་སྟེང་ནས།
- ཁྱེད་ཚང་གི་སྦྱིན་སྲེག་བླུགས་ཟེར་རྒྱུ་ན།
- དངོས་གནས་མི་ཐུབ་པ་ཞིག་གིས།
- ཁྲི་དོ་རེ་གསུམ་རེ་བླུགས་ཏེ།
- སྦྱིན་སྲེག་དེ་དེ་ལྟར་ལྡུག་པ་ཞིག་རེད།
- དེ་སྦྱིན་སྲེག་གི
- གོས་གཟུང་ཟེར་བ་དེ་སྦྱིན་སྲེག་གི་ནང་དུ་འཕེན་རྒྱུ་ཞིག་རེད།
- དེ་ཡིན་ན་གྲྭ་བ་རྣམ་པ་ཚོས་མཆོག་པ་གསུངས་པ་དང་།
- སྦྱིན་སྲེག་གི་སྐབས་སུ།
- ཁོ་ཚོ་མར་སྦྱིན་སྲེག་གང་ནས་ལྡུག་རྒྱུ་ན།
- དེར་ཕེབས་ན།
- དེ་ནས་ཨ་ལགས་ཁྲི་ཐོག་ན་བཞུགས་ཡོད་པ་རེད།
- འཕྲོ་མ་གྲྭ་བ་ཚང་མ།
- འདབས་ནས་གྲལ་གདན་བཏིང་སྟེ་དེ་ན་ཡོད་པ་རེད།
- དེ་རུ་ཡོད་ན་ཁོང་ཚང་གིས་གསུངས་པ་རེད།
- སྦྱིན་སྲེག་གསུངས་པ་རེད།
- སྦྱིན་སྲེག་གསུངས་ན་དེ་རུ་ཁོ་ཚོར་མཆོད་གཡོག་ཡོད་པ་རེད།
- མཆོད་གཡོག་གིས་ཨ་ལགས་དེར་ཞབས་ཞུ་སྒྲུབ་ནས་བསྡད་ཡོད།
- སྦྱིན་སྲེག་དེར་མེ་འཇོག་དགོས་ན།
- མེ་འཇོག་དགོས་ན་ཨ་ལགས་དེས།
- དཔལ་འབར་གྱི་སྟེང་དུ་མེ་སྒྲོན་པ་དང་།
- དེ་ཁོ་ཚོའི་རྗེས་ཀྱི།
- ཁོའི་སྔོན་ན་ཡོད་པ་དེར་བྱིན་ཏེ།
- མན་ཆད་ནས་མི་སྐྱ་ཚོས་སྦྱིན་སྲེག་དེར་མེ་སྒྲོན་པ་དང་།
- སྦྱིན་སྲེག་དེར་མེ་སྒྲོན་ནས་དེ་ལྟར་བྱེད་དགོས།
- དེ་ལྟར་བྱེད་དགོས་ན་དེའི་སྟེང་དེ་ནས།
- མེ་འབར་བཞིན་ཡོད་པ་རེད།
- འབར་བཞིན་ཡོད་པས།
- ཨ་ལགས་ཀྱིས་སྦྱིན་སྲེག་གསུངས་ཏེ།
- རྫས་འབུལ་དགོས་ན་རྫས་གོང་ནས་བཤད་པ་དེ་རེད།
- མར་སྐུ་ལྡུག་དུས་མར་སྐུ་ལྡུག་དགོས་པ་རེད།
- འོམ་བུ་འཕེན་དུས་འོམ་བུ་འཕེན་དགོས།
- གྲོ་འཕེན་དུས་གྲོ་འཕེན་དགོས་པ་རེད།
- འདོན་པ་ཡི་སྔོན་གཞུག་གིས།
- དེའི་གོ་རིམ་ལྟར།
- རྫས་ཆེན་བཅུ་གཉིས་དེ་ལྟར་འབུལ་དགོས།
- དེ་ཡིན་ན་འདིའི་རྔ་མ་ནས།
- མཚམས་ཤིག་ནས།
- ཚོགས་བསག་མར་སྐུ་ཟེར་བ་ཞིག་ལྡུག་རྒྱུ་ཡོད།
- ཚོགས་བསག་མར་སྐུ་ཟེར་བ་དེ།
- མར་སྐུ་མང་པོ་བཞུས་ཏེ།
- ཨ་ལགས་ཀྱིས་ལྡུག་བཞིན་པའི་མཚམས་དེ་ནས།
- ཚོགས་བསག་མར་སྐུ་ཟེར་བའི་འདོན་པ་ཞིག་གསུང་རྒྱུ་ཡོད།
- འདོན་པ་དེ་གསུང་དུས།
- ཁྱིམ་ཚང་དེའི་བཟའ་འཁོར་བ་གང་བོ།
- ད་རུང་དེར་ཡོང་བའི་ཐག་ཉེ་ཡི།
- ཁོམ་པ་ཅན་ཚང་མ་ཡོང་སྟེ་ཕྱག་འཚལ་བ་དང་།
- ཚོགས་བསག་མར་སྐུ་དེ་ལྡུག་པ་རེད།
- ཚོགས་བསག་མར་སྐུ་དེ་བླུགས་ན།
- འདི་ལྟར་བཞག་ནས་འདི་ལྟར་འདུག་དགོས།
- མར་སྐུ་མན་ཆད་ལ།
- གོམ་པ་དོ་རེ་གསུམ་རེ་བཞི་རེ་ཡི་མཚམས་ལ།
- མར་སྐུ་དེ་ལྟར་མར་ནས་འགྲོ་བ་རེད།
- དེ་འདྲའི་ཚོགས་བསགས་ཏེ།
- དེའི་མིང་ལ་ཚོགས་བསག་མར་སྐུ་ཟེར་བ་རེད།
- དེ་ཡིན་ན་རྗེས་ཕྱོགས་སུ།
- གོས་གཟུང་ཟེར་བ་དེ།
- རྗེས་ནས་སྦྱིན་སྲེག་དེའི་མཇུག་ལ།
- གཏོར་མ་གཉིས་ཡོད་པ་རེད།
- དེ་གཉིས་ཀྱིས་ན་བཟའ་གྱོན་ཏེ།
- དེ་གཉིས་ཀ་ཡང་སྦྱིན་སྲེག་གི་ནང་དུ་དེ་ལྟར་འཕེན་དགོས།
- དེ་ལྟར་འཕངས་ན།
- སྦྱིན་སྲེག་གསུངས་ནས་ཚར་སོང་ན་མཚམས་དེ་ནས།
- འོ་ཐུག་བསྐོལ་དགོས་པ་རེད།
- འོ་ཐུག་ཟེར་བ་དེ་འོ་མ་བསྐོལ་བ་དང་།
- ཁྱེར་ནས་ཡོང་སྟེ་མཆོད་གཡོག་ལ་བྱིན་ན།
- མཆོད་གཡོག་གིས་ཨ་ལགས་ཀྱི་མདུན་ན།
- ཐེབ་ཙེ་འགའ་ཡི་ནང་ལ།
- འོ་མ་དེ།
- འོ་མ་གང་རེ་གང་རེ་ཡོད་གི
- དེའི་ནང་དུ་ཙོ་རིལ་གཅིག་རེ་གཅིག་རེ་འཕངས་པ་དང་།
- དེ་ལྟར་མཆོད་པ་དེ་འབུལ་བ་དང་།
- མཆོད་པ་དེ་སྦྱིན་སྲེག་གི་ནང་དུ་བཞེས་པ་རེད།
- དེའི་ཕན་ཆད་ཀྱི་འཕྲོ་མ་ཡི་འོ་མ་དེ་ཅི་རེད་ཟེར་ན།
- སྦྱིན་སྲེག་པ་དང་།
- ནང་འཁོར་གྱི་མི་ཚང་མ།
- ཉུང་ཉུང་རེ་ཚང་མར་བླུད་དེ།
- དེ་ལྟར་བྱེད་པ་དང་།
- དེའི་མིང་ལ་འོ་ཐུག་ཟེར་བ་རེད།
- འདིའི་སྟེང་འདི་ནས་སྦྱིན་སྲེག་གི་རྒྱུ་མཚན་དེ་འདྲ་ཞིག་རེད།
Loading ... Collection:
Subcollection
- Northeastern Tibet (Amdo) Collections
- Ritual
Subject
- Burnt offerings
Referenced Places
- Chentsa
Recording Location
- Triga
Language
- Amdo Group
Terms
- སྦྱིན་སྲེག
Time Period:
Creator:
Tashi Gyel
Contributing Author:
ཀླུ་འབུམ་མཚོ།
Contributing Author:
Drolma Tso
Publisher:
Tibetan & Himalayan Library
Data Entry:
Copyright Owner:
Tibetan & Himalayan Library
Year Published:
2019
Visibility:
Public (group default)
Shanti AV Id:
39891
Date Issued:
Thursday, June 25, 2020
Media Type:
Sound
