Audio Overview
The Meto Tsharo (beautiful flower) song seems to be a encouragement song that ceternly benefits the public because the lyrics has strong meaning that may influence the mind of listeners. The song discloses its meaning through an examples like beautiful flowers that seems to be blosomed in the gadren of Eden with the message to explore and utalize one's wishdom and abilities. Because if one do not use the resources at right time, it may go to vain.
གླུ་གཞས་འདི་ བློ་སྤོབས་དང་ སེམས་སྐུལ་འབད་བའི་གླུ་གཞས་ཅིག་ཨིནམ་དང་ གླུ་གཞས་ཉན་མི་ཚུ་ རང་གིས་སྤྲོ་བ་ཡོད་པའི་ལཱ་ཚུ་ འབད་བཅུག་ནིའི་དོན་ལུ་དང་ རང་གིས་ བློ་རིག་དང་ ལྕོགས་གྲུབ་ དེ་ལས་ ལྗོན་ཐངས་ཚུ་ མཐར་ཕྱིན་སྦེ་གཡོག་བཀལ་ཏེ་ ལཱ་འབད་ནི་ལུ་ སེམས་ཤུགས་བསྐྱེདཔ་ཨིན་མས། གལ་སྲིད་ དེ་སྦེ་མ་འབད་བ་ཅིན་ ཁོང་ར་ལུ་ཡོད་ ལྕོགས་གྲུབ་ཚུ་ ཆུད་ཟད་འགྱོ་ནིའི་ཉེན་ཁ་ཡོདཔ་ཨིན་མས། གླུ་གཞས་འདི་ནང་ བུམོ་འདི་ མ་ཁྱིམ་ནང་ལུ་རང་སྡོད་དེ་ ལོ་ན་ཚོད་རྒས་ཏེ་ གཉེན་རྐྱབ་ཟེར་ དཔེ་གིས་ཐོག་ལས་ སེམས་ཤུགས་བྱིན་དོ་ཡོདཔ་དང་ དེ་ཡང་ མེ་ཏོག་འདི་ མཆོད་བཤམ་ནང་ལུ་མ་ཕུལ་བར་ ལྡུམ་རྭ་ནང་ལུ་རང་བཞག་པ་ཅིན་ རང་བཞིན་གྱི་བསྐམ་འགྱོ་འོང་ཟེར་ཨིནམ་དང་ དེ་བཟུམ་སྦེ་ སོ་རལ་ནང་གིས་མདའ་མོ་འདི་ སོ་རལ་ནང་ལུ་རང་བཞག་ནི་མེན་པར་ རྩེདམ་རྩེད་པ་ཅིན་དྲག་ཟེར་ཨིན་མས།
- ཆོས་སྒྲོནཡ་ལ། མེ་ཏོག་མཚར་པོ་གཅིག་དང་ལ་ནི་མ་མཚར་གཉིས། །ལ་ནི་མ་མཚར་གཉིས།
- ཆོས་སྒྲོནཡ་ལ། མེ་ཏོག་མཚར་པོ་ལྡུམ་རའི་ལ་ནི་སྟེང་ལུ་ཡོད། །ལ་ནི་སྟེང་ལུ་ཡོད།
- ཆོས་སྒྲོནཡ་ལ། ལན་གཅིག་མཆོད་བཤམ་ཁྲ་མོ་ལ་ནི་མ་ཕུལ་ན། །ལ་ནི་མ་ཕུལ་ན།
- ཆོས་སྒྲོནཡ་ལ། དེ་ཡང་ལྡུམ་རའི་སྟེང་ལུ་ལ་ནི་རྒས་པ་ཕངས། །ལ་ནི་རྒས་པ་ཕངས།
- ཆོས་སྒྲོནཡ་ལ། མདའ་མོ་མཚར་པོ་གཅིག་དང་ལ་ནི་མ་མཚར་གཉིས། །ལ་ནི་མ་མཚར་གཉིས།
- ཆོས་སྒྲོནཡ་ལ། མདའ་མོ་མཚར་པོ་སོག་རལ་ལ་ནི་གཏིང་ལུ་ཡོད། །ལ་ནི་གཏིང་ལུ་ཡོད།
- ཆོས་སྒྲོནཡ་ལ། ལན་གཅིག་གསེར་ཤོག་སྤང་ལུ་ལ་ནི་མ་བཏང་ན། །ལ་ནི་མ་བཏང་ན།
- ཆོས་སྒྲོནཡ་ལ། དེ་ཡང་སོག་རལ་གཏིང་ལུ་ལ་ནི་རྒས་པ་ཕངས། །ལ་ནི་རྒས་པ་ཕངས།
- ཆོས་སྒྲོནཡ་ལ། སྨན་ཆུང་མཚར་པོ་གཅིག་དང་ལ་ནི་མ་མཚར་གཉིས། །ལ་ནི་མ་མཚར་གཉིས།
- ཆོས་སྒྲོནཡ་ལ། སྨན་ཆུང་མཚར་པོ་ཨ་མའི་ལ་ནི་སྒོ་ཁར་ཡོད། །ལ་ནི་སྒོ་ཁར་ཡོད།
- ཆོས་སྒྲོནཡ་ལ། ལན་གཅིག་མི་ཁྲོམ་འཛོམས་ས་ལ་ནི་མ་བཏང་ན། །ལ་ནི་མ་བཏང་ན།
- ཆོས་སྒྲོནཡ་ལ། དེ་ཡང་ཨ་མའི་སྒོ་ཁར་ལ་ནི་རྒས་པ་ཕངས། །ལ་ནི་རྒས་པ་ཕངས།
Loading ... - Oral Traditions
- Folk songs (glu)
- Bhutan Cultural Library
- Thimphu
- Thim Throm
- Dzongkha
ཤེས་རིག་དང་ལམ་སྲོལ་གྱི་དོན་ལུ་ཕབ་བཟུང་ཞུས། ཤེས་རྒྱུན་ལས་སྡེ་ལས་གནང་བ་མེད་པར་བསྒྱུར་སྤེལ་འབད་མི་ཆོག།
For educational and cultural use only. Reproduction is strictly prohibited without permission from Shejun.