རྒྱལ་རོང་གི་གནའ་མིའི་སྲོལ་རྒྱུན་མ་ཆད་པར་ཕྱོགས་ཀུན་ལ་དར་བའི་བྲོ་ཆུང་ཁོངས་སུ་གཏོགས་པའི་གླུ་ཞིག་ཡིན།  ཕོ་མོས་མཉམ་དུ་ལེན་པ་ཞིག་ཡིན།  དུས་སྟོན་ནམ་ཡིན་རུང་འཁྲབ་མཁན་ཡོད།  སྤྲོ་གསེང་གི་སྐབས་ལ་ཡང་འཁྲབ་སྲིད།  བླ་མ་དང་རྒྱལ་བོ་དཔོན་པོ་སླེབས་པའི་དུས་སུ་འཁྲབ་རྒྱུ་ཞིག་ཀྱང་ཡིན།  གླུ་ཚིག་ནི་འདི་ལྟ་སྟེ།  སླེབས་སོང་ངོ་བོད་ཀྱི་ཨ་མ་སླེབས་སོང་།  བོད་ལ་སེང་གེ་ཞིག་སླེབས་སོང་ངོ་།  སླེབས་སོང་ངོ་།  ཆོས་ཀྱི་ཨ་མ་དེ་སླེབས་སོང་།  ཆོས་ཀྱི་རྒྱལ་བོ་ཞིག་བོད་ལ་སླེབས་སོང་ངོ་ཞེས་སོ། ཡ་བོད་སེང་གེ་སླེབས་སོང་ཞེས་སོ།