བཀྲིས་བདེ་ལེགས་ཡོད་ལགས། ང་བཅས་ནཱ་ལས་ ད་རིས་ཁྱོད་ནཱ་བྱོན་མི་ལུ། མ་པ་ངེའི་ཁ་ཐུག་ལས་ཞུ་ནི་ཟེར་སླབ་རུང་ གནམ་མེད་ས་མེད་རྒྱས་ཞིང་རྒྱསཔ་ཅིག་ ང་གིས་ག་ནི་ཡང་ཞུ་ནི་མེད། ཏེ་ཨིན་རུང་ ཕམ་དེ་ཚུ་གི་ ཏེ་ཞལ་ལས་ཞལ་བརྒྱུད་དང་སྙན་ལས་སྙན་བརྒྱུད་ ཟེར་སླབ་དོ་བཟུམ་སྦེ་ ཕམ་དེ་ཚུ་གི་བརྒྱུད་པ་ལས་བརྟེན་ཏེ་གིས་འབད་ ཏེ་ང་བཅས་ཀྱིས་ཨ་ཙི་རེ་ཤེས་ཤེསཔ་མཐོང་མཐོངམ་འདི་ ཏེ་ན་ལུ་ཞུ་ནི་ཅིག་ཨིན།

ད་གཙོ་བོ་འདི་ ང་བཅས་ནཱ་གི་ལྕང་གནམ་དཀར་ལུ་ གནམ་དཀར་བཟློག་ཟེར་ སླབ་དགོ་མི་འདི་ ང་བཅས་ར་གི་ནཱ་ལུ་ རྐྱེན་ངན་པ་བར་ཆད་དེ་ཚུ་ག་ར་ ཏེ་ལོ་གཅིག་གི་ནང་སྐོར་ལུ་ དེ་གིས་བཟློག་ནི་འདི་གིས་ ཏེ་ལྕང་གནམ་དཀར་བཟློག་ཟེར་སླབ་དགོ་མི་འདི་ ཁུངས་འདི་དེ་ལས་བརྟེན་ཏེ་གིས་ཨིན་མས།

ཏེ་མ་པ་ནཱ་གི་ལྷ་ཁང་འདི་ ཕ་ཇོ་འགྲོ་བའི་མགོན་པོ་(ཕ་ཇོ་འབྲུག་སྒོམ་ཞིག་པོ་)གི་གདན་ས་ཨིན། ཏེ་ཕ་ཇོ་འགྲོ་བའི་མགོན་པོ་(ཕ་ཇོ་འབྲུག་སྒོམ་ཞིག་པོ་)གི་གདན་ས་འདི་ལུ་ ཏེ་ཤུལ་འཛིན་འདི་སྲས་ཉི་མ་གིས་འཛིན་ཏེ་གིས་འབད་ ཏེ་ཨ་ནཱི་ང་བཅས་རའི་སྔོན་མ་གི་ལམ་ལུགས་སྲོལ་དེ་ཚུ་ག་ར་ ཏེ་རེ་རེ་བཞིན་དུ་འབད་ རིམ་པ་བཞིན་དུ་འབད་སྟོན་གནང་མི་འདི་ལུ་ ཏེ་ང་བཅས་ཀྱི་ཁ་ཐུག་ལས་ གནམ་མེད་ས་མེད་ཁུངས་དང་དགོས་པ་ ཧེ་མ་འདི་ང་བཅས་ཀྱིས་ག་ནི་ཡང་མ་ཤེས་པས།

ཏེ་མ་ཤེས་རུང་ དེའི་བརྒྱུད་པ་འདི་མ་ཉམས་པར་ ང་བཅས་ཀྱིས་ཚུལ་བཞིན་དུ་འབད་བཟུང་སྟེ་གིས་འབད་བའི་བསྒང་ལས་ ཏེ་རིམ་གྱིས་རིམ་གྱིས་འབད་ང་བཅས་ཀྱིས་ཧ་གོ་ ཏེ་དེ་ལས་ཉམས་མྱོང་ཧ་གོ་བའི་བསྒང་ལས་ ཏེ་ཐུགས་རྗེ་བྱིན་རླབས་འདི་ཚུ་ཡང་ ཏེ་ལེགས་ཤོམ་སྦེ་འཇུག་སྟེ་སྦེ་ ང་བཅས་ཀྱིས་ ཏེ་ཕྱག་ཕྱིད་ཞབས་ཏོག་ཞུ་བའི་བསྒང་ལས་ལོ་རེ་བཞིན་དུ་ལུ་ ང་བཅས་ཀྱི་ ཏེ་མི་རློབས་འདི་ཡང་ཡར་འཕེལ།

དེ་ལས་ང་བཅས་ལུ་ ནད་ཡམས་མུ་གེ་འདི་ཚུ་ཞི་ ང་བཅས་རའི་རྒྱལ་ཁབ་ཡར་རྒྱས་འགྱོ་ མི་དབང་མངའ་བདག་རིན་པོ་ཆེ་ཡབ་སྲས་ཀྱི་སྐུ་དང་དྲི་མ་ལས་བརྟེན་ཏེ་འདི་གིས་འབད་ ང་བཅས་མི་སེར་འདི་ཚུ་ཡར་རྒྱས་འགྱོཝ་བཞིན་དུ་ ཏེ་ཆོས་འདི་ལུ་ཡང་དད་པ་ག་ཅི་དེ་ཅིག་གྱུར་ཏེ་གིས་འབད་ ཏེ་ད་ལྟོ་ནཱ་ལུ་ཡར་རྒྱས་འགྱོ་དགོ་མི་གཙོ་བོ་འདི་ ཏེ་མི་དབང་མངའ་བདག་ཡབ་སྲས་ལུ་བརྟེན་ཏེ་གིས་འབད་ཨིན་ཟེར་ ང་བཅས་ཀྱིས་ཞུ་ནི་འདི་འ་ནཱི་ཨིན།

ད་ ད་རིས་ནཱ་ལུ་ཉིམ་གཉིས་ ང་བཅས་ཀྱི་མ་པ་ ཏེ་དངོས་འདི་ཉིམ་གཉིས་ཨིན། མ་པ་འགོ་བཙུགས་ནི་འདི་ང་བཅས་ཉེར་བདུན་ལས་འགོ་བཙུགས་དགོ་ ཟེར་ཞུ་ནི་སྦེ་ཨིན། ད་ཉེར་བདུན་ལུ་ ང་བཅས་ར་དམངས་འདི་ཚུ་ཚར་གཅིག་འཛོམས་ ཏེ་འདི་གི་འཆམ་རྐྱབ་མི་དེ་ཚུ་དང་ག་ར་འཛོམས་པའི་འཕྲོ་ལས་ འཆམ་རྐྱབ་ནིའི་འཆམ་བགོ་ དེ་ལས་ནཱ་གི་ལྷ་ཁང་ནང་གི་འབད་དགོཔ་བཅའ་དགོཔ་འདི་ཚུ་ ཉེར་བརྒྱད་གི་ཚེ་ག་ར་ཀྲིག་ཀྲི་སྦེ་ ཏེ་ཤོག་ཟེར་བརྡ་ལན་འབདཝ་ད་ཅིག་ཁར་འབད་

ཏེ་ཉེར་བདུན་གྱི་ཚེ་མར་ཆང་ཅིག་ཡང་ཕུད་གཏོར་ རྟེན་འབྲེལ་ཅིག་བརྩིས་འབད་སྦེ་ ཏེ་དེ་ལས་ཉེར་བརྒྱད་གི་ཚེ་ཕྱི་རུ་ལས་ ང་བཅས་ཀྱི་ཏེ་ནཱ་ལུ་[ཞག་ཇོ་སྲུང་མ་?]ཟེར་ ཏེ་དེ་བསྒང་ལས་ ང་བཅས་ཀྱི་མི་མཐུན་པའི་རྐྱེན་ ཏེ་ཡར་བྱང་ཕྱོགས་ལས་མར་ལུ་ ང་བཅས་ཀྱི་ནཱ་ལུ་ སངས་རྒྱས་ཀྱི་བསྟན་པ་ལུ་གནོད་པའི་དགྲ་བོ་འདི་ཚུ་གིས་ ཏེ་ང་བཅས་ནཱ་ལུ་སངས་རྒྱས་ཀྱི་བསྟན་པ་དར་མི་བཅུག་ནི་གི་ཐབས་ཤེས་ལུ་ ཁོང་གིས་གནམ་མེད་ས་མེད་ དགྲ་བྱང་ཕྱད་ ཏེ་མ་རུང་པ་གནམ་མེད་ས་མེད་འབདཝ་ལས་བརྟེན་ཏེ་གིས་འབད།

ཏེ་དེ་གི་བཟློག་ཐབས་རིམ་གྲོ་འདི་ ང་བཅས་ཀྱི་ཏེ་ཕ་ཇོ་འགྲོ་བའི་མགོན་པོ་(ཕ་ཇོ་འབྲུག་སྒོམ་ཞིག་པོ་)གིས་གསུངས་ཏེ་གིས་འབད་ ང་བཅས་ཕ་ཇོ་འགྲོ་བའི་མགོན་པོ་ (ཕ་ཇོ་འབྲུག་སྒོམ་ཞིག་པོ་)གིས་ ཏེ་ཁོང་ ཏེ་ང་བཅས་ཀྱི་སངས་རྒྱས་བསྟན་པ་དར་བ་ལུ་མ་དགའ་མི་མི་འདི་ཚུ་ ཏེ་རིམ་གྱིས་འབད་ ཏེ་ཞི་བཅུག་ནི་གི་ཐབས་ཤེས་ལུ་ དེ་ལས་ང་བཅས་སངས་རྒྱས་ཀྱི་བསྟན་པ་འདི་ རིམ་པ་བཞིན་དུ་དར་ དེ་ལས་དགེ་འདུན་གྱི་སྡེ་འདི་ཚུ་ ཏེ་རིམ་པ་བཞིན་དུ་སྐྱོང་འདི་གིས་འབད་ ཏེ་བཞུགས་ནི་ཡོད་པའི་ཐུགས་སྨོན་རྒྱ་ཆེན་པོ་གནང་སྟེ་གིས་འབད་ ཏེ་ང་བཅས་ཀྱི་ནི་ནང་ལུ་ གནམ་དཀར་བཟློག་འདི་ལུ་ འཆམ་སྡེ་ལྔ་ཟེར་ཨིན།

འཆམ་ལྔཔོ་འདི་ ཁམས་ལྔ་ཟེར་བརྩིཝ་ཨིན། ཁམས་ལྔཔོ་འདི་ལུ་ ཤར་ཕྱོགས་ཤིང་ ལྷོ་ཕྱོགས་མེ་ ནུབ་ཕྱོགས་ལྕགས་ བྱང་ཕྱྱོགས་ཆུ་ མཚམས་བཞི་ས་ཟེར་ འ་ནཱི་ཁམས་སོ་སོ་སོ་སོ་སྦེ་མ་འདྲ་མི་ཁམས་ལྔཔོ་འདི་ལུ་ ཏེ་འ་ནཱི་ལུ་ཁམས་ལྔ་ཟེར་ ཁམས་ལྔ་ལས་བརྟེན་ཏེ་གིས་ ཏེ་སྤྲུལ་པ་ ཁོ་རའི་ཐུགས་ལས་སྤྲུལ་བཀྱེས་ཏེ་གིས་སྦེ་ རེ་རེ་ལས་འཆམ་རེ་རེ་སྟོན་ཏེ་གིས་ ཏེ་ང་བཅས་རའི་མ་རུངས་པའི་དགྲ་བྱང་ཕྱད་ཚུ་བཏུལ་ནིའི་དོན་དག་ལུ་ ཏེ་ཁམས་ལྔཔོ་འདི་སྟོན།

ད་ཁམས་ལྔཔ་ོའདི་གི་རྒྱབ་བསྣན་འདི་ ང་བཅས་ཀྱི་ཆོས་སྲུང་བཀའ་སྲུང་ ཏེ་དཔལ་ལྡན་ལྷམོ་ དམ་ཅན་རྒྱ་མཚོ་ ཏེ་ཡེ་ཤེས་རྒྱ་མཚོ་ འ་ནཱི་འདི་ཚུ་ ཏེ་ཁོང་གསུམ་འདི་ ཏེ་རྒྱབ་སྐྱོར་སྦེ་ཞུ་འབད་སྦེ་ ཏེ་ན་ལས་ཡར་ལུ་ང་བཅས་ཉེར་དགུ་གི་ཚེ་འདི་ ཏེ་དུས་ཚོད་ཉིན་ཚད་བཀག་སྟེ་གིས་སྦེ་ གཏོརམ་འདི་ཚུ་ནང་ལུ་ [དུག་?] གྱི་ མདའ་ གཞུ་ དེ་ལས་འདི་ནང་ལུ་ ཏེ་ཟས་སྦྱོར་དེ་ཚུ་ཆ་མཉམ་ཚངམ་སྦེ་ ད་ད་རིས་འབད་བ་ཅིན་ ཏེ་ང་བཅས་ཀྱིས་བམ་བསྐྱུར་དོ་བཟུམ་ཅིག་གི་ ཏེ་ཁྱད་པར་ཨིན་མས།

ཏེ་འ་ནཱི་གཏོར་མ་འདི་ང་བཅས་ཀྱིས་ཉེར་བརྒྱད་ཀྱི་ཚེ་ཕྱི་རུ་ལས་ཏེ་བསྒྲུབས་ མ་པ་ངོ་མ་འདི་ཟླཝ་བཅུ་པའི་ཚེས་བཅོ་ལྔ་ལས་འགོ་བཙུགས་ཏེ་གིས་ ཏེ་བསྒྲུབས་ཏེ་གིས་སྦེ་ཉེ་རི་བརྒྱད་ཀྱི་ཚུན་ཚོད་ལུ་ ཕ་ཇོ་ཁོ་ར་གིས་ཐུགས་དམ་གནང་སྟེ་གིས་སྦེ་ གྲུབ་འབྲས་འཐོན་ཏེ་གིས་སྦེ་ ང་བཅས་ཀྱིས་ ཏེ་ཉེར་བརྒྱད་ཀྱི་ཚེ་ཕྱི་རུ་ལས་ཉེར་དགུ་གི་དྲོ་པ་གཏོརམ་འཕང་རན་རནམ་པའི་བར་ན་སྐོར་ལུ་ ཏེ་བསྒྲུབ་བྱ་དེ་ཚུ་ག་ར་བསྒྲུབས་པའི་འཕྲོ་ལས་ ཏེ་དེ་ལས་དྲོ་པ་གི་ཆུ་ཚོད་ཉིད་ཚོད་དང་འཁྲིལ་ཏེ་ ཏེ་ནཱ་ལས་འཐོན།

ཏེ་ནཱ་ལས་ཕར་འབད་ ཏེ་ཡར་ཁ་ཡར་བྱང་ལུ་བསྒོར་ཏེ་གིས་སྦེ་ བྱང་ལས་མར་གྱི་ ཏེ་མ་རུངས་པ་དེ་ཚུ་ དགྲ་བོ་དེ་ཚུ་ ང་བཅས་ལུ་ངལ་མ་རང་མི་དེ་ཚུ་ ཏེ་སངས་རྒྱས་ཀྱི་བསྟན་པ་བཙུགས་ནི་ཨིན་པས་ ཏེ་མར་ལུ་འབྲུག་རྒྱལ་ཁབ་དེ་ནང་ལུ་ ཏེ་དགའ་ཏོག་ཏོ་སྐྱིད་ཏོང་ཏོང་བྱུང་མི་བཅུག་ནི་གི་ ཏེ་ཐབས་ཤེས་བསྒྲིག་ནི་ཨིན་ཟེར་ ཁོང་ཡར་ལས་མར་ལུ་འ་ནཱི་སྦེ་བསམ་པ་ངན་པ་བསྐྱེད་དེ་འོང་མི་དེ་ཚུ་ ང་བཅས་ཀྱིས་ཏེ་རེ་རེ་བཞིན་དུ་འབད་ནཱ་ལས་ཡར་ལུ་སྨོན་ལམ་བཏབ་སྟེ་གིས་ ཕ་ཇོ་འགྲོ་བའི་མགོན་པོ་(ཕ་ཇོ་འབྲུག་སྒོམ་ཞིག་པོ་)ཁོ་ར་གི་ཐུགས་སྨོན་ག་ཨིནམ་སྦེ་ ཏེ་ང་བཅས་ཀྱིས་འབད་བའི་འཕྲོ་ལས་ ཏེ་འདི་ནང་ལུ་གཏོརམ་དེ་ཚུ་རེ་རེ་བཞིན་དུ་ཏེ་འཕངས།

ད་ཕར་འཐོན་ཏེ་གིས་སྦེ་ ཕར་ལས་གཏོརམ་འཕངས་པའི་བསྒང་ལས་ ཏེ་ང་བཅས་ཀྱིས་སྨོན་ལམ་རྒྱ་ཆེན་པོ་བཏབ་ སྨོན་ལམ་དང་བཅསཔ་སྦེ་ཐུགས་སྨོན་གནང་སྟེ་ ནཱ་ལས་ཡར་གསེར་སྐྱེམས་ བསང་དེ་ཚུ་བཏང་སྟེ་གིས་སྦེ་ ཏེ་ཡར་ལུ་དགྲ་བྱང་ཕྱད་དེ་ཚུ་ ཏེ་ཁོང་མནོ་བསམ་བཏང་རང་མ་ཚུགསཔ་སྦེ་ ཏེ་ང་བཅས་ཀྱིས་ནཱ་ལས་ཡར་གཏོར་མ་འདི་གིས་ཆ་མཉམ་ ཏེ་ཐལ་བ་བརླག་སྟེ་གིས་སྦེ་འགྱོ་དོ་ཡོདཔ་ཨིན་མས།

ཏེ་འ་ནཱི་འབད་ནི་འདི་གིས་ ཏེ་ང་བཅས་ཀྱི་གཏོརམ་འདི་ང་བཅས་ཀྱིས་ཕར་ལས་འཕངས་ ཏེ་དེ་ལས་ཕར་ལས་ གཏོར་མ་འཕངས་ཚར་བའི་འཕྲོ་ལས་ཕར་ལས་གྱི་འཆམ་རྐྱབ་དགོ་མི་འདི་ ཏེ་དེ་ལས་ད་གཏོརམ་འདི་ཡར་ལུ་ [དངོས་དངོས་?]འབད་འཕངས་ཚར་ཡི་ ད་ཡར་གྱི་དགྲ་ཕྱངམ་འཕྱད་འདི་ཚུ་བཏུལ་ཚར་ཡི་ ད་དེ་འབད་ནི་དེ་གིས་ ང་བཅས་ཀྱིས་ད་འབདན་ དགའ་བའི་དགའ་སྤྲོ་དང་ ཏེ་སྐྱིད་པའི་སྐྱིད་གླུ་ཅིག་ལེན་ནི་ཨིན་ཟེར་ཏེ་དེ་ལས་འཆམ་རྐྱབ་ ཏེ་ང་བཅས་ཀྱིས་བྱང་ཕྱད་དེ་ཚུ་འ་ནཱི་སྦེ་བཏུལ་ཚར་ཡི་ ཟེར་བའི་རྟགས་ཨིན་ ཕར་འཆམ་རྐྱབ་དགོ་མི་འདི།

ཏེ་དེ་ལས་གྱི་དེ་ཚུ་ལྕེ་བལྡག་སྟེ་འོང་མི་འདི་ ཡར་གྱི་དགྲ་བྱང་ཕྱད་ཆ་མཉམ་དེ་ཚུ་བསྒྲལ་ བསད་དེ་གིས་སྦེ་ ཏེ་གྱི་དེ་ཚུ་ཚར་ཅིག་གུ་ཁྲག་གིས་བཤལ་ཏེ་གིས་སྦེ་ ཏེ་ཁྲག་འདི་ང་བཅས་ཀྱིས་འ་ནཱི་སྦེ་ལྕེ་གིས་བལྡགཔ་ཨིན་ཟེར་བའི་རྟགས་དང་མཚནམ་སྟོན་ཏེ་གིས་སྦེ་ ཏེ་འ་ནཱ་ལས་ཏེ་ང་བཅས་ཕར་ལས་ཚུར་འབད་ ཏེ་ལེགས་སོ་བསྐུལ་ཏེ་སྦེ་ ཏེ་ལེགས་སོ་བསྐུལ་དགོ་མི་འདི་ ཁྱེད་ཆ་ཁྱབ་ཡར་ལུ་བཏང་ནི་གི་ ཏེ་གོ་ཆོད་ཅི་ ཁྱེད་ཀྱིས་ཚགས་ཁར་ཚུད་ཅི།

ཁྱེད་ཀྱིས་ཁུངས་བཀལ་ཚུགསཔ་ཅི་ ཡར་གྱི་དགྲ་བྱང་ཕྱད་དེ་ཚུ་བཏུལ་ཚུགསཔ་ཅི་ ཡར་གྱི་དེ་ཚུ་ཐལ་བར་བརླག་ཚུགསཔ་ཅི་ ད་དེ་ཅིག་རང་ཨིན་ ད་འབདན་ང་བཅས་ར་དགའ་ཞིང་སྐྱིད་ ཏེ་སྤྲོ་བའི་ངང་ལས་སྦེ་ ཏེ་ང་བཅས་ནཱ་ལོག་ཅི་ཟེར་བའི་བསྒང་ལས་ ཏེ་འ་ནཱི་ལེགས་སོ་འཐེན་ཏེ་གིས་སྦེ་ ཏེ་ཁྱེད་ད་རེས་ཡར་ལུ་བྱོན་ཏེ་གིས་སྦེ་ ཏེ་གནམ་མེད་ས་མེད་ལེགས་ཤོམ་སོང་ཡི། ཁྱེད་ད་རེས་ཡར་ལུ་གནམ་མེད་ས་མེད་རྩ་འགེངས་ཏེ་གིས་སྦེ་ ཏེ་གནམ་མེད་ས་མེད་བཀའ་དྲིན་ཆེ་ཡི་ ལེགས་སོ་ཟེར།

ཏེ་འ་ནཱ་ལས་ནཱ་བྱོན་འབད་བའི་འཕྲོ་ལས་ ཏེ་དེ་ལས་ནཱ་ལུ་དབང་འདི་འགོ་བཙུགསཔ་ཨིན་ ད་དབང་འདི་འགོ་བཙུགས་པའི་འཕྲོ་ལས་ང་བཅས་དབང་འདི་ ང་བཅས་ཕ་ཇོ་འགྲོ་བའི་མགོན་པོ་(ཕ་ཇོ་འབྲུག་སྒོམ་ཞིག་པོ་)ལུ་ ཏེ་ནང་པ་གི་བསྟན་པ་དེ་ལུ་ མེད་མི་མེདན་མ་ཤེས་ ཡོད་ཚད་གངམ་འདི་ ཏེ་དབང་གནང་པའི་འཕྲོ་ལས་ དབང་ལུ་འདུ་སྟེ་གིས་སྦེ་ ཏེ་ང་ཕ་ཇོ་གི་འོག་ལུ་མེན་ ང་ནང་པའི་ཆོས་མི་འབད་ཟེར་སླབ་མི་རྩ་ལས་རང་མ་ཐོན་པ་ ཏེ་འ་ནཱི་སྦེ་ང་བཅས་ལུ་ ཏེ་དབང་གནང་དགོ་པའི་ཁུངས་དང་དགོས་པ་འདི་འ་ནཱི་ཨིན།

དེ་ལས་དེ་དང་བསྟུན་པའི་འཕྲོ་ལས་ དབང་འདི་ཞུ་ཚར་བའི་ཤུལ་མ་ལས་ ང་བཅས་ཀྱི་ ཏེ་ནཱ་གི་ཤ་ཚ་ཏོམ་ ཁྲག་གི་རྒྱུད་པ་བཞེས་མི་ ཕར་གཞན་ཁ་ལས་ཕར་ཡར་སོ་མི་དེ་ཚུ་ག་ར་ ལོ་ཅིག་གི་ནང་སྐོར་ལུ་ནཱ་ལུ་འཛོམས་ ཏེ་དེ་ལས་སྤུན་སྤུན་ཆ་དེ་ཚུ་ཕྱད་ ཏེ་དེ་ལས་ལོ་མོའི་ལོ་འཁོར་བཅུ་གཉིས་ ཞག་ཁལ་ཕྱེད་ད་བཅོ་བརྒྱད་ཀྱི་བར་ན་སྐོར་ལུ་ ཏེ་དེ་ལས་དགའ་ཞིང་སྐྱིད་པའི་ངང་ལས་འབད་ ཏེ་དེ་ལས་སྤུན་ཆ་དེ་ཚུ་ ཕམ་དེ་ཚུ་ག་ར་ཕྱད་དེ་གིས་ ཏེ་དེ་ལས་འ་ནཱ་ལས་

ཏེ་ང་བཅས་ར་ནཱ་ལུ་ལྷ་ཁང་ནང་ལུ་ ཏེ་འཛུལ་འཆམ་ཆོས་སྐྱོང་སྲུངམ་འདི་ཡར་འཛུལ་ འཆམ་དེ་ཚུ་ཡང་ཡར་འཛུལ་སྦེ་ འབད་ཚར་ཞིནམ་ལས་ ཏེ་དེ་ལས་ཨ་ཕི་ནང་ལུ་སྤང་ཅུང་ཁ་ལུ་བོད་འཆམ་ཟེར་ཅིག་ཡོད། ཏེ་བོད་འཆམ་འདི་ ང་བཅས་ར་གི་ ཏེ་ཕྱི་བལྟ་བ་ཅིན་ཏེ་ ནི་ཡང་གནམ་མེད་ས་མེད་ཁུངས་ཅིག་ག་ནི་ཡང་མེད་ ནང་ལུ་བལྟ་བ་ཅིན་ ཏེ་ང་བཅས་ཀྱི་བྱག་འོག་གནསཔ་འདི་ ཏེ་དངོས་སུ་སྦེ་བྱོན་ཏེ་གིས་སྦེ་ ཁོ་ཡང་ཏེ་ཐུགས་མཉེས་པའི་ཚུལ་འབད་ འཆམ་རྐྱབ་ཨིན་ཟེར།

ཏེ་དེ་ལས་ཁོ་རའི་འཁོར་དེ་ཚུ་ ཏེ་དེ་ལས་གཤན་པ་དམར་ནག་ གྲི་ཐོགས་ འ་ནཱི་དེ་ཚུ་ཡང་ཆ་མཉམ་གཅིག་ཁར་འབད་རྐྱབ་ད་ ཏེ་འ་ནཱི་གིས་ ཏེ་གྲལ་ཁར་སྦེ་ ཏེ་ང་བཅས་ཀྱི་བོད་འཆམ་ཟེར་བཙུགས་ཏེ་གིས་སྦེ་ ཏེ་འ་ནཱི་སྦེ་ཨིན། ཏེ་འདི་གི་ཤུལ་ལས་ ཏེ་ཕོ་ལེགས་མེ་ལེགས་ཟེར་འཐོན་ནི་ཡོད་ ཏེ་ཕོ་ལེགས་མོ་ལེགས་འདི་ ཏེ་རོགས་ཧེ་མ་གི་འབད་བ་ཅིན་ ལ་ལུ་གིས་སླབ་མས་ བྱང་ཕྱོགས་ཀྱི་རྒྱལ་པོ་ ཏེ་ཆོས་རྒྱལ་ནོར་བཟང་ལས་དཔེ་བལྟ་སྟེ་གིས་ཨིན་ཟེར།

ཏེ་དེ་སྦེ་མེན་པ་ཞིན་ན་ ང་བཅས་ཀྱི་ཕ་ཇོ་འགྲོ་བའི་མགོན་པོ་(ཕ་ཇོ་འབྲུག་སྒོམ་ཞིག་པོ་)དང་ཝང་བཟངམོ་བསོད་ནམས་དཔལ་སྒྲོན་གཉིས་པོ་འདི་ ཏེ་ཁོང་གཉིས་ཐ་ན་ལུ་ ང་བཅས་ཀྱི་ལྷོ་ཁྲིམས་མེད་ལུ་ཁྲིམས་དང་ རྫ་ལུང་མེད་ལུ་ལུང་སྦེ་ཡོད་ནི་འདི་གིས་ ཏེ་ཁོང་གཉིས་ཆ་སྟེ་ མིག་ཏོ་བལྟ་སའི་ བགོ་ལ་གྱོན་ཐངས་ ལམ་འགྱོ་ཐངས་ བཞེས་སྒོ་ཟ་ཐངས་ ཆོས་འབད་ཐངས་ འ་ནཱི་དེ་ཚུ་སྔོན་མ་གི་ལམ་ལུགས་སྲོལ་དེ་ཚུ་ ཉམས་མི་བཅུག་ནི་གི་དོན་དག་ལུ་ ཏེ་ཁོང་གཉིས་ཀྱིས་ ཏེ་རོགས་ཝང་བཟངམ་བསོད་ནམས་དཔལ་སྒྲོན་གྱིས་ ཨམ་སྲུ་གི་ཆས་འདི་ལུ་འབད།

ཏེ་ནཱ་ལུ་མོ་ལེགས་ཟེར་ ཏེ་མ་ལེགས་ཟེར་མི་འདི་ ཨམ་སྲུ་ལེགས་ཤོམ་འདི་ ཨམ་སྲུ་གི་སྦུག་ལས་ཨམ་སྲུ་དྲག་ཤོས་འཇའ་རིསམོ་འདི་ལུ་ ཏེ་དཔེ་བླངས་ཏེ་གིས་སྦེ་ བགོ་ལ་ཅིག་གྱོན་རུང་ ང་བཅས་ཀྱིས་མིག་ཏོ་འདི་ཁོང་ལུ་བལྟ་གྱོན་ ཏེ་དེ་ལས་ལམ་འགྱོ་ཐངས་ལས་འབད་རུང་མིག་ཏོ་འདི་ཁོང་ལུ་བལྟ་དགོཔ་ཅིག་འབད་ དེ་ལས་ཕ་ཇོ་འགྱོ་བའི་མགོན་པོ་(ཕ་ཇོ་འབྲུག་སྒོམ་ཞིག་པོ་)འདི་ ཏེ་ཁོ་རྟོགས་ལྡན་འབད་བྱོན་པའི་ཚུལ་ཨིན་མས་ ཁོ་གི་ན་བཟའ་འདི་ཁ་དམར་ཨིན།

ཁ་དམར་འདི་ ཏེ་ང་བཅས་ར་རྟོགས་ལྡན་མ་གཏོགས་ཅིགཔོ་གཞན་གིས་མི་བཞེས། ཏེ་དེ་འབདཝ་ལས་བརྟེན་ཏེ་གིས་ཁོ་གིས་ ཏེ་དཔའ་རྟགས་འདི་ཚུ་བཞེས་ ཕྱག་ཤན་ དེ་ལས་ཁ་དམར་འདི་བཞེས་འབད་བའི་བསྒང་ལས་ ཏེ་བགོ་དེ་ཚུ་ཡང་མ་བཏུབ་བཏུབ་སྦེ་ བཟོ་བཟོ་བའི་བསྒང་ལས་ ཨའོ་་་ ཏེ་ང་བཅས་ར་གཡུས་གཞན་ཁ་ལས་ཕར་འགྱོ་རུང་ ད་རིས་འབདན་ ཏེ་ལྕང་གནམ་དཀར་གྱི་ཕོ་ལེགས་བཟུམ་བཟོ་ཆི་ནུག་མ་རེད་ཟེར་ ཏེ་དཔེ་བལྟ་སུ་བཟུམ་ཅིག་སྦེ་ ཏེ་འ་ནཱི་སྦེ་ ཏེ་སྟོན་གནང་ནུག

འདི་ལུ་ཏེ་ང་བཅས་ར་གི་ཕ་ཇོ་འགྲོ་བའི་མགོན་པོ་(ཕ་ཇོ་འབྲུག་སྒོམ་ཞིག་པོ་)གིས་ ཏེ་གནམ་མེད་ས་མེད་བཀའ་དྲིན་ཆེན་པོ་ ཏེ་ཐུགས་རྗེ་བྱིན་རླབས་འཇུག་སྟེ་གིས་སྦེ་ ཕྱི་ལྟར་ཏུ་དེ་སྦེ་ཨིན། ནང་ན་ལུ་འབད་བ་ཅིན་ད་རུང་ ང་བཅས་ར་གི་ཕོ་ལེགས་འདི་ ཏེ་ང་བཅས་ནཱ་གི་གནས་བདག་གཞི་བདག་ སྒང་བཙན་དབང་གྲགས་པདྨ་ཟེར་མི་འདི་ཨིན་ཟེར་ དེ་སྦེ་ཞུཝ་ཨིན། ཏེ་དེ་ལས་ཨམ་སྲུ་འདི་ ཨ་ནཱ་འོག་ཐོག་ལུ་མཚོ་སྨན་སྦེ་ཡོད་ མཚོ་སྨན་གཡུ་རུ་རྒྱལ་མོ་ཟེར་ ཏེ་འ་ནཱི་ལུ་དཔེ་བླངས་ཏེ་གིས་སྦེ་ ཏེ་སྟོནམ་ཨིན་ཟེར་ ཏེ་འ་ནཱི་སྦེ་ཨིན།

ཏེ་དེ་ལས་ དེ་དང་གཅིག་ཁར་འབད་ ང་བཅས་ཀྱི་ཨ་ཙ་ར་འདི་ ཨ་ཙ་ར་དཀརཔོ་ཟེར་ ཏེ་ནི་ཨ་ཙ་ར་དཀརཔོ་འདི་ཡང་ ཏེ་མ་པ་ཁོ་ནཱ་ང་བཅས་སྒང་བཙན་དབང་དྲག་པདྨ་གི་སྤྲུལ་པ་ཨིན་ཟེར་ ཁོ་གིས་ཏེ་མི་ཚུ་དགའ་བཅུག་ མི་དེ་ཚུ་ལུ་ཏེ་དགའ་ཞིང་སྤྲོ་བའི་ངང་ལས་འབད་ ཏེ་མི་ཆོས་གཙང་མ་བཅུ་དྲུག་དེ་ལུ་ འཁོར་བཅུག་ནི་གི་དོན་དག་ལུ་ ཁོ་གིས་ཏེ་ལ་ལུ་ཅིག་དགའ་ ལ་ལུ་ཅིག་ལུ་ ཏེ་རྩུབ་ཀྲག་འབད་སླབ་སྦེ་འབད་དགོ་མི་འདི་ ཏེ་ལ་ལུ་ཅིག་མ་ཤེས་པ་འབད་ ཏེ་ང་བཅས་ཀྱིས་ཆོས་ཀྱི་ཁྲིམས་ལས་འགལ་ཏེ་འགྱོ་དོ་ཡོདཔ་མས།

ཏེ་ནི་འགལ་མི་བཅུག་ནི་གི་དོན་དག་ལུ་ ཏེ་ལ་ལུ་ཅིག་ཤེས་བཞིན་མཐོང་བཞིན་སྤའོ་་་་ ཨིན་མས་ ཏེ་རོགས་ཁོ་གི་འདི་ག་ཅི་འདེ་ཅིག་ ཏེ་ཁོ་ཨ་ཙ་ར་གི་སྤྱོད་པ་འབད་རུང་ ཁོ་གིས་ལེགས་ཤོམ་ཅིག་སྦེ་མཛད་ནི་འདུག་ཟེར་ འདི་བཟུམ་སྦེ་ ཏེ་ང་བཅས་ཨ་ཙ་ར་སྟོན་དགོ་མི་འདི་ མ་པ་ཁོ་གི་ ཨ་ཙ་ར་གི་ཕྱག་མཚན་འདི་ བོན་པོ་གི་ ཏེ་གཤང་དཀྲོགས་ཏེ་གིས་སྦེ་ བོན་པོ་གི་ལུགས་ལས་འབད་ཨིན། ཨ་ཙ་ར་འདི་ བོན་ལུགས་འབད། ཏེ་ང་བཅས་ཀྱི་ནང་པ་གི་བསྟན་པ་ལུ་ཡང་ཐོ་མེད། ཏེ་ཁོ་ བོན་པོ་གི་ལུགས་སྲོལ་འབད་རྐྱབ་པའི་ཕྲོ་ལས་ ང་བཅས་ཀྱི་ཏེ་ལུགས་སྲོལ་འདི་ལུ་ཕན་ཐོགས་པའི་ཚུལ་དུ་འབད་ ཏེ་ནེ་སྦེ་བརྩམས་བརྩམས་ཨིན་པས་ ང་བཅས་ར།

ཏེ་དེ་ལས་ད་ འདི་ལུ་ང་བཅས་ར་གནམ་དཀར་པའི་ ཏེ་རྩ་བོ་བརྒྱད་ཡོད། རྩ་བོ་བརྒྱད་ཀྱིས་མི་དོ་ གནམ་དཀརཔ་ནི་ནང་ལུ་ ང་བཅས་གནམ་མེད་ས་མེད་བུ་ཚུ་དར་ཞིང་རྒྱས་ཏེ་གིས་ ཏེ་རྩ་བོ་ལེ་ཤ་སྦེ་འཐོན་ཏེ་ཡར་སོ་ཡི། ད་དེ་ཚུ་ལོ་གཅིག་ལོ་གཅིག་ལུ་ ལོ་ཕྱུགས་རྟག་ཏུ་ལེགས། ཆར་ཆུ་དུས་ལུ་འབབ། མི་ནད་དང་ཕྱུགས་ནད་འཁྲུགས་རྩོད་ལ་སོགས་པ་རྒྱུན་ཆད།

ཏེ་དེ་ལས་ང་བཅས་ར་གི་ དགའ་ཞིང་སྤྲོ་སྐྱིད་ཟེར་ཏེ་གིས་སྦེ་ ཏེ་ཞབས་ཁྲ་བརྩམས་ དེ་ལས་ཞབས་ཁྲ་རྐྱབ་ ཏེ་དེ་ལས་ང་བཅས་ནཱ་ལུ་མར་ཆང་ཕུད་གཏོར་ དེ་ལས་ཕྱི་རུ་ཚེ་ཁུག་གི་ཇ་ཟེར་ ལོ་བརྒྱ་ཐུབ་སྟོན་བརྒྱ་མཐོང་ཟེར་ ཚེ་རིང་དགོ་པ་ཟེར་ ཚེ་ཁུག་གི་ཇ་བཏབ་འབད་སྦེ་ ཏེ་ལེགས་པས་བསྒོར་འབད་སྦེ་ ཏེ་བཀྲིས་སྨོན་ལམ་དེ་སྦེ་ཞུཝ་ཨིན།

ཏེ་ལགས་སོ་ བཀའ་དྲིན་ཆེ། ང་ལས་ཞུ་ནི་ཟེར་སླབ་རུང་ གནམ་མེད་ས་མེད་ཅིག་ག་ནི་ཡང་མེད།། །།