སྨན་བུ་མོ་གཅིག་ལ་བུ་གསུམ་འཁྲུངས།

བུ་ཆོས་བསོད་ཅན་པོ་དབུས་ཡ་སོང་།།

དབུས་འབྲི་གོང་བླ་མའི་ཕྱག་མཛོད་བྱས།

བུ་ཚོང་བསོད་ཅན་པོ་རྒྱ་ལ་སོང་།།

རྒྱ་ནག་རྒྱལ་པོའི་ཚོང་དཔོན་བྱས།།

བུ་བསོད་ནམས་ཅན་པོ་ཡུལ་གི་བསྡད།།

ང་དྲིན་ཆེན་མ་ལོའི་སེམས་རྟེན་བྱས།།

འབྲི་ཐེལ་མ་གཅིག་ལ་ཕོ་རྒ་གསུམ།།

རྒ་སྨུག་པོ་རྭ་རིང་དབུས་ལ་སོང་།།

དབུས་འབྲི་གོང་བླ་མའི་ཆོས་མཛོ་བྱས།།

ཆོས་ཀུན་རིག་གཉིས་ཀྱི་ཁ་འོག་ན།

རྡོ་གོར་མོའི་ཞབས་རྡོ་ཕོག་ས་མེད།།

མཛོ་རོག་ལི་རྭ་ཀོང་རྒྱ་ལ་ཁྱེར།།

རྒྱ་ནག་རྒྱལ་པོའི་ཇ་མཛོ་བྱས།།

ང་འགུ་ཟི་གཉིས་ཀྱི་ཁ་འོག་ན།།

ལྕག་ཚ་མོའི་ཞབས་རྡོ་ཕོག་ས་མེད།།

ངས་བྲེ་ལོ་གསེར་ཁ་ཡུལ་གི་བཟུང་།།

འབྲི་ཐེལ་ལོ་བརྒྱ་ཡི་ཁྱུ་བརྒྱན་བྱས།།

དགྲ་ནག་པོའི་ཞབས་རྡོ་ཕོག་ས་མེད།།

རྒོད་གཞི་མོ་གཅིག་ལ་ཕོ་རྟེའུ་གསུམ།།

རྟ་ངང་པ་གསེར་ལྡན་དབུས་ལ་ཁྱེར།།

དབུས་འབྲི་གོང་བླ་མའི་ཆིབས་པ་བྱས།།

ནག་ལི་དྲུག་ཁྲ་རྒྱ་ལ་ཁྱེར།།

རྒྱ་ནག་རྒྱལ་པོའི་ཆིབས་པ་བྱས།།

ངས་གྲོ་སྨུག་དཔུང་ཐུང་ཡུལ་གི་བཞག།

རྒོད་གཞི་མོ་བརྒྱ་བོའི་ཁྱུ་བརྒྱན་བྱས།།

Mandala Collections Audio-Video