31 Dec 2016
5 min 19 sec
Audio Overview
Creators:
Gangsol Folk Culture Preservation Project
- ཡིད་ལྷུང་འབྲུག་དགའི་རྩང་སྡེའི་བསྟོན་གླུ།
- ས་ཡར་ཕྱོགས་རང་ཡུལ་རི་སྡེ། །
- དགོང་ཨ་སྔོན་དགེ་རྩེ་ཚང་ང་༼ལ༽།
- ཤར་ཉི་ཟླ་ཀཿཐོག་ཕྱག་ཚ། །
- འབྲུག་ཕོ་ཆུང་དགེ་རྩེ་ཚེ་རྡོར། །
- འདིའི་ཕྱི་སྡེ་སྟོང་དང་དགུ་བརྒྱ། །
- འདིའི་ནང་སྡེ་ཧུ་ར་བརྒྱ་སྡེ། །
- ས་རང་ཡུལ་ཕྱོགས་ཀྱི་ཡུལ་ལྷ། །
- འདི་ཟླ་སྙིང་རྡོ་རྗེ་བྲག་དཀར། །
- འདིའི་རྒྱབ་རི་ལྷ་ཤིང་ཙནྡན། །
- འདིའི་མདུན་རི་ཀླུ་བཙན་བསྡོངས་མ། །
- ངའི་ཕ་ཡུལ་བྲག་དཀར་རྩེ་བརྒྱད། །
- ང་ཤར་ལོ་ཐང་དཀར་ཐིལ་ཕྲན། །
- ཚེ་སྔོན་ལས་རྩང་གི་ཐང་ལ།།
- གཞི་ཆགས་ཀྱི་ལས་དབང་བཏབ་ཡོད། །
- ས་སྐྱིད་པོ་རྩང་ཐང་གོར་མོ། །
- སྡེ་སྐྱིད་པོ་ཝ་ཤུལ་རྩང་ཐ། །
- བཀྲ་ཤིས་པའི་སྤྲུལ་སྐུའི་ལྷ་སྡེ། །
- འདིའི་ལྷ་སྡེ་ཤོག་ཁ་བཞི་པོ། །
- ཆགས་མ་བཞག་ཆི་༼ཅི་༽ཡིན་ཆུ་༼ཅི་༽གོ །
- ཆགས་བཞག་ན་རྒྱལ་ཆེན་སྡེ་བཞི། །
- སའི་ཆགས་འབེབས་པདྨ་འདབ་བརྒྱད། །
- ན་དམར་སེར་ལི་ཁྲིའི་མཚལ་རེད། །
- མཚོ་ལྗང་སྔོན་དྲུག་དཀར་གཡུ་རེད། །
- མདོག་ལྗང་སེར་ཚོན་གྱི་ཁ་ན། །
- སྤང་མེ་ཏོག་དཀར་ཆེན་སེར་ཆེན། །
- འདིའི་འཁྲུངས་རོགས་ཤྭེའུ་དར་རྒེའུ་དར། །
- མདོག་མི་གཅིག་འཇའ་ཚོན་སྣ་ལྔ། །
- འཇའ་འཆར་ས་རྩང་གི་ཐང་རེད། །
- ཆོས་དགེ་བའི་འཁོར་ལོ་སྐོར་ས། །
- མནའ་སྡིག་པའི་རྒྱ་མ་གཅོག་ས། །
- བུ་དཔའ་བོའི་དཔའ་རྩལ་རྒོད་ས། །
- སྨན་བུ་མོའི་གཟི་མདངས་ཡག་ས། །
- ཚོས་ཚ་བོའི་འདབ་ལག་རྒྱས་ས། །
- སྦྲ་རས་ལོའི་མཁའ་ཞེང་ཆེ་ས། །
- ཕྱུགས་ཁྱ་ཁྱུས་རི་ལུང་བཀང་ས། །
- རྟ་འདོ་ལུའི་དྲུག་ཞེང་ཆེ་ས། །
- འབྲི་ཐུལ་མའི་རྡང་ཐག་རིང་ས། །
- ལུག་དཀར་ཆུང་བལ་ཁ་འཇམ་ས། །
- ཐང་བདེ་ཡངས་རྩྭ་ཆུ་འཛོམས་ས། །
- འདིའི་རྩང་ཆུ་མཚོ་ཆུ་དྭངས་མ། །
- སྡེ་རུ་དྲུག་མཚོ་ཁའི་མེ་ཏོག །
- ང་ཤར་ལོ་མཚོ་བྱ་ངང་ལོ། །
- མཚོ་ཁམ་གསུམ་འཐུང་གི་སྔོན་ལས། །
- ཚེ་ཡུན་གྱིས་ཨི་འཐུང་ཆ་མེད། །
- སྨན་བུ་མོ་མཚོ་ནང་གསེར་ཉ། །
- དབུས་སྲམ་དཀར་རྩང་སྡེའི་ཤར་ལོ། །
- རྟ་འདོ་བ་སྒ་འགྲིག་སྲབ་འགྲིག །
- སྐྱེས་ཤར་ལོ་དཔའ་འགྲིག་དཔུང་འགྲིག །
- སོག་ཁྱ་རིང་མདའ་འགྲིག་སྨན་འགྲིག
- དགྲ་ནག་པོའི་ཉམས་ལེན་མཁས་དགོས། །
- སྨན་བུ་མོ་མནའ་འགྲིག་གནས་འགྲིག །
- མགོ་གཡུ་བྱུར་ཁྲ་མོ་སུམ་འགྲིག །
- གནས་ཁྲ་མོའི་ཡུལ་ནས་སྐྱིད་དགོས། །
- བཟང་དར་འཇམ་བལ་དཀར་ཁ་ཆུ། །
- ཕ་ཁུ་བོའི་རྒྱུད་ལ་བྱམས་དགོས། །
- ཡང་རྩང་ཡུལ་ཕྱོགས་ཀྱི་ཡུལ་ལྷ། །
- འདིའི་རྩང་རྒྱལ་ལྷ་རི་དེའུ་དཀར། །
- འདི་དཀར་ཕྱོགས་སྐྱོང་གི་གཞི་བདག །
- བྱི་གླང་གི་བཅུ་གསུམ་ཉིན་ལ། །
- ལྷ་གན་ཚོར་མཆོད་བསྟོད་གྱིས་དང་། །
- དགྲ་ནག་པོའི་ཕྱོགས་ལ་འཚེར་མེད། །
- འདིའི་ལྷ་འཁོར་ཐང་འབེའུ་ཆེ་ཆུང་། །
- འདི་སྦས་ཡུལ་སྒྲུབ་པའི་གནས་རེད། །
- གནས་འདི་ཚོར་སྐོར་ཕྱག་གྱིས་དང་། །
- ཚེ་ཕྱི་མའི་ཡུལ་ལ་འཚེར་མེད། །
- གླུ་བསྒྲིགས་ནི་མིན་ད་༼རུང་༽འགྲིག་ཐལ། །
- གླུ་འགྲིག་མོ་དར་ཚོན་སྣ་ལྔ། །
- ང་ཡིད་ལྷུང་འབྲུག་དགའི་གླུ་རེད། །
- ཁྱ་༼ཁྲ་༽གྱི་ལེར་སྲུང་མར་མཆོད་དོ། །
Loading ... Collection:
Subcollection
- Pastoral songs (glu gzhas)
Referenced Places
- Tsangtö
Recording Location
- Chengdu
Creator:
Gangsol Folk Culture Preservation Project
Data Entry:
Copyright Owner:
Tibetan and Himalayan Library
Year Published:
2016
Visibility:
Public (group default)
Shanti AV Id:
10596
Duration:
05:20
