འབའ་མོའི་སྐྱེས་ཕྲེང་།

འབའ་མོའི་སྐྱེས་ཕྲེང་བཤད་ན། མཆོག་བཟང་མགུར་ར(ལ)ཉོན་དང་།

དང་པོ་དང་གི་མགོ་མ། ། གནས་གཡུ་ལོ་བཀོད་པའི་ཞིང་ནས། །

མ་རྗེ་བཙུན་སྒྲོལ་མའི་དྲུང་ན། ། མགོན་ཨུ་རྒྱན་པདྨ་འབྱུང་གནས། །

རྗེ་པད་དཀར་བེ་རོ་ཚང་གི ། ཕ་ཕུ་ནུ་མེ་འབར་བྱུང་དུས། །

མ་བཟང་པོ་བྱང་ཆུབ་སྒྲོལ་མ། ། རྒྱལ་རོང་ཚར་མོ་བྱོན་དུས། །

ང་འདས་ལོག་གླིང་བཟའ་ཆོས་སྐྱིད། །གླིང་སེང་ཆེན་ནོར་བུ་བྱོན་དུས། །

གཡོག་ཨ་ཆུང་སྐྱིད་ཀི་ནེའུ་ཆུང་། །ངའི་སྐྱེས་བ་བརྒྱན་(བརྒྱད)མའི་གོང་ཐོག །

མ་ཀུན་བཟང་ཆོས་ཀྱི་སྒྲོལ་མ། ། ལས་དག་པའི་སྐྱེ་བ་ལྔ་བརྒྱ། །

ལས་མ་དག་སྐྱེ་བ་ལྔ་བརྒྱ། ། དག་མ་དག་སྐྱེ་བ་ཆིག་སྟོང་། །

དེ་ཁྱི་མོ་དམར་མོའི་སྐྱེ་བ། ། ངའི་ཁྱེའུ་བཅུ་གཅིག་སྐྱེ་བ། །

བྲང་ནུ་མ་ཚ་ནིའི་(བའི)སྡུག་བསྔལ།།ཁ་ཕོ་བ་ལྟོགས་ནིའི་(པའི་)སྡུག་བསྔལ། ། སྨན་མོ་ལུས་བླངས་ནི་(བ་)ཐམས་ཅད། །

སྒོ་ཁྱི་མོའི་ཚང་སྒོ་མ་འདན། ། ལྟོ་རེ་རེ་གཏིས་བ་མ་འཆིག(ཟས་ཐེངས་རེའི་སྣོན་པ་ཁྱེད་མཁྱེན། ། )

དེ་རྒྱུན་དུ་སེམས་ཀི་ཟུངས་ལ། ། ཁྱོས་ཁྱི་འཁྱར་རྡོ་ཤུར་(རྡུང་)མ་བྱེད། །

དེ་བྱ་བྱིས་མདའ་ཚག(གཙག)མ་བྱེད། ། ཚེ་ཕྱི་མར་བར་རྡོའི་འཕྲང་ནས། །

ཆོས་དགེ་བར་དེ་མི་(ལས)མི་དགོས། །

ང་རྭ་བཞི་ལུག་གི་སྐྱེ་བ། ། ངའི་ལུས་ཡ(ལ་)ཆད་པའི་ལུ་གུ། །

ནངས་སྔ་མོ་ཡུལ་ནས་བཞག་དེ། ། ང་ཡར་སོང་རྫ་མགོར་སོང་ནས། །

ངས་རྫ་རྩྭ་སིལ་མ་ཟོས་ཡས(ནས)། ། ངས་རྫ་ཆུ་དྭངས་མ་འཐུང་ངས(ནས)། །

ང་མར་ཡོང་ཡུལ་ལ་ཡོང་དུས། ། ངའི་ལུ་གུ་རིག་རྒྱུ་མེད་ཀི །

ངས་སྒོ་ཁས་གྱེན་ལ་བལྟས་དུས། ། དོ་བྲག་རི་འདྲ་བོའི་སྟེང་ན། །

ངའི་ལུ་གུའི་ཚར་དཀར་བརྒྱངས་ཡོད། ། དེའི་འདབས་ན་མགོ་ལུས་ཡོད་ཀི།

དེའི་ཤ་ཁུ་བཟའ་བས་འཐུང་ཐལ། ། དེའི་རྣམ་ཤེས་བར་རྡོར་འཁྱམས་ཐལ། །

ངའི་ཡ་ཆུང་སྡུག་གིས་གང་ཐལ། ། སྡུག་མུན་པར་དྭངས་རྒྱུ་མེད་ཀི །

ངའི་མ་ཆུང་མཆི་མས་གང་ཐལ། ། ངའི་མཆི་མར་འཛད་རྒྱུ་མེད་ཀི །

དྲིན་ཕ་མར་སྐྱེས་ནིའི་(བའི་)རྣམ་ཐལ། ། དྲིན་ཕ་མའི་བུ་ཕྲུག་ཆ་གས། །

འདི་རྒྱུན་དུ་སེམས་ཀི་ཞོགས་ལ། ། ལུག་མ་བཤའ་ཚེ་ཐར་ཐོངས་དང་། །

ཚེ་ཕྱི་མ་བར་རྡོའི་འཕྲང་ནས། ། ཆོས་དགེ་བར་དེ་མི་(ལས་)མི་དགོས། །

ང་མཛོ་མོ་སྔོན་མོའི་སྐྱེ་བ། ། དབྱར་མགོ་མའི་ཚེ་མགོའི་བཅོ་ལྔར། །

ངས་ལྟོའུ་ལི་སྔོ་ཁྱ་ཁྱིད་(་ཁྲ་ཁྲིད)དུས། ། དེ་གཡོག་མོ་ལས་ངན་ཞིག་གིས། །

ངའི་སྔུན་གི་ལྟོའུ་ལི་ཁྱེར་ཐལ། ། དེ་ཤན་པ་ལག་དམར་ཞིག་གིས། །

ངའི་ལྟོའུ་ལིའི་གཟུགས་བཞི་བསྡམས་ཐལ། ། (ལྟོའུ་པགས་པ་རྩྭ་ཡིས་འདན་ནས། ། )

(ངའི་ལུས་ཀྱི་འོ་མ་བཞོས་ཐལ། ། )(ངའི་སྐྱོ་སྡུག་མིག་ཆྭ(ཆུར་)བསྡུངས་ཏེ། ། ) (ལུས་དབང་མེད་འོ་སྤྲི་ཤོར་ཐལ།)

ཐང་དཀར་རྒོད་ཀྱི་སྐྱེ་བ། ། ཤ་ཟ་འདོད་ཡིད་ལ་སྐྱེས་ནས། །

མཐོ་ནམ་མཁའི་བྱ་ལམ་འགྲིམ་དུས། ། རྒྱ་གྲོང་ཞིག་གི་ཡར་སྣེ་ནས། །

རྟ་ཞིག་གི་རོ་ཡི་སྟེང་ལ། ། ཤུགས་ཆེན་པོའི་མར་ལ་བབས་དུས། །

སྡུག་བསྔལ་བསམ་གྱིས་མི་ཁྱབ་པ་མྱོང་ཚུལ། ཚོང་དཔོན་བསམ་མེད་ཞིག་གིས། །

ངའི་ལུས་ཡ(ལ་)མདའ་ཡིས་བརྒྱབ་བྱུང་། ། ལུས་གཟེར་ཆེན་ཕུར་ཆེན་སྡེབ་སྡེབ། །

གཟེར་ཆུང་ཆུང་ཕུར་ཆུང་སྡེབ་སྡེབ། ། གཟེར་མ་བུ་ལུ་གུ་རྩེད་རྩེད། །

གཟེར་འདི་ལ་བཟོད་ཐབས་དཀའ་འི། ། ད་དུང་གཡག་རྒན་ཀ་ལིའི་སྐྱེ་བ།