མྱི་ཁ་དགུའི་ཐར་མ། | Mandala Collections

ཆ་རྒྱུས་ཉམས་མྱོང་།

བསླབ་པའི་ཤེས་རྒྱ་མེད། སྒོམ་པའི་ཉམས་མྱོང་མེད་པ།

ཟས་ཅི་ཡོད་ཁྱིམ་མཚེས་རྒན་མོ། གཏམ་ཅི་བཤད་ལ་ཁའི་ལུག་རྫི།

ར་རྒན་ཆར་བས་འདེད་ལོབ་མ། ཉིན་སྲིབ་མེད་པར་བྲོ་ལོབ་མ།

གོ་དང་རུས་པ་ཟ་ལོབས་མ། མིད་པ་མ་བཤུས་ལོབས་ལོབས་མ།

ལ་ཁའི་ཁ་བ་ཆེ་ཆུང་དེ། ལྷ་བྱ་གོང་མོའི་སྐད་ལ་ཉོན།

ལུང་པའི་ཕུག་ཐག་རིང་ཐུང་དེ། གཙང་ཆབ་སྔོན་མོའི་འགྲོས་ལ་ལྟོས།

ལམ་ཁ་ཐག་རིང་ན་རྟ་ཕོའི་བང་རྩལ་ཤེས། གྲོགས་གཤིབ་ཡུན་རིང་ན་མི་ཡི་བཟང་ངན་ཤེས།

ཁྱོ་ཉ་སོ་མེད་རེ་ཐུག་ནི་མ་གཏོག སྟག་ཡ་སོ་ཅན་ན་ཐུག་མ་མྱོང་ཟིག

ཕ་ཐོབ་གསེར་གྱི་རལ་གྲི་དེ་རྡོར་རྒྱག་མ་མྱོང་། མ་ཐོབ་སྟག་མོའི་འཛུམ་རིས་དེ་ཁྱིར་སྐུར་མ་མྱོང་།

ཁ་དཀར་རྐྱང་ལ་ཁ་ལོ་བཏུལ་མྱོང་། བྲེ་སེར་འབྲོང་ལ་སྣ་ལོ་བཏུལ་མྱོང་།

མི་རྒྱུས་ལོན་པ་ལོ་གསུམ། ཁྱི་རྒྱུས་ལོན་པ་ཞག་གསུམ།

ཁྱི་ཨ་ལེ་གཉིས་ཀས་ཉེ་ངོ་ཟིན། བྱ་རི་དྭགས་གཉིས་ཀྱིས་དགྲ་ངོ་ཟིན།

འདྲིས་ཆེ་ན་མིག་གིས་རྫི་མ་མི་རིག

བཟའ་སྐྱོན་བཟའ་བས་ཤེས། ཤིང་སྐྱོན་སྟ་རེ་ཡིས་ཤེས།

མཛོ་རྒན་རྒས་རུང་ལམ་རྒྱུས་ཡོད།

ལ་མགོའི་ཤྭ་རྭ་གྱོང་བོ་དེ། ཤྭ་ཕོ་ཆེན་མགོའི་དུང་རྭ་བྱས་མ་མྱོང་ནི་ཟིག་མ་རེད།

གནས་དུར་ཁྲོད་ནང་གི་མི་མགོ་སྐམ་པོ་དེ། ཆུང་ཨ་མའི་རུམ་ནས་གཅེས་ཕྲུག་བྱེད་མ་མྱོང་ནི་ཟིག་མ་རེད།

Mandala Collections Audio-Video