མཁར་ཁྲ་རིང་རྡོ་ཐོག་རྡོ་བཞག་རེད། | Mandala Collections - Audio-Video

22 Dec 2016

44 sec

Audio Overview

Creators:

Gangsol Folk Culture Preservation Project

Gangsol Nomadic Oral Folk Traditions

མཁར་ཁྲ་རིང་རྡོ་ཐོག་རྡོ་བཞག་རེད།།
དེ་མཐོན་པོ་ཡོང་ནི་མཚར་པོ་རེད།།
བོའུ་ཁྲ་རིང་ཤིང་ནང་ལྕགས་མཐུད་རེད།།
དེ་གྲགས་རྒྱུ་ཡོང་ནི་མཚར་པོ་རེད།།
རོགས་ངེད་གཉིས་ཕ་མ་ཁ་ཁ་རེད།།
ཞེ་མཐུན་པོ་ཡོང་ནི་མཚར་པོ་རེད།།
རོགས་ཆུང་འདྲིས་ཟེར་རེ་མང་པོ་མེད།།
གཅིག་ཡོད་ད་ནམ་མཁའི་ལྷ་དང་འདྲ།།
ལྷ་འདྲ་བའི་སྤྲུལ་བ་ཅི་ཡོད་ད།།
ང་རང་གི་སེམས་ན་ལྷ་དང་འདྲ།།
རྟ་འདོ་བ་ཟེར་རེ་མང་པོ་མེད།།
གཅིག་ཡོད་ད་ནམ་མཁའི་བྱ་དང་འདྲ།།
བྱ་འདྲ་བའི་ཤོག་རྩལ་ཅི་ཡོད་ད།།
ང་རང་གི་སེམས་ན་བྱ་དང་འདྲ།།
བོས་ཟེར་རེ་མང་པོ་མེད་ད་འོ།།
གཅིག་ཡོད་ད་གནམ་ལྕགས་ཐོག་དང་འདྲ།།
ཐོག་འདྲ་ནིའི་གཟུ་ཞགས་ཅི་ཡོད་ད།།
ང་རང་གི་སེམས་ན་ཐོག་དང་འདྲ།།