བར་གྱི་མི། | Mandala Collections

བདེན་པའི་དཔང་བོ། བར་གྱི་མི། མཚམས་ཀྱི་རྡོ།

རིང་པོ་རྣ་ཡིས་ཚོར་ནི། ཐུང་ཐུང་མིག་གིས་རིག་ནི།

ཁ་ཆུ་ཡིས་མ་བཤལ། ལག་དར་གྱིས་མ་ཕྱེས་ཡིན་ན།

ས་རྟགས་ཀི་གད་པ་ཁ་ཤོབདེན་རྟགས་ཀྱི་ཕ་བོང་གྲུ་བཞི།

སྔ་དྲོ་རག་དཀར་རྒྱུག་གི་རྗེས། ཕྱི་དྲོ་ཤིང་རྟ་དྲུད་གི་ཧྲོས།

མི་ངོ་དམར་ཅོག་འེ། ཁ་རླངས་སྐྱ་ཤ་རེ།

ཚིག་རིན་ཆེན་གྱི་རིལ་བ་འདྲ་འདྲ། འཐུང་བཞག་ན་གྲོལ་འགྲོ་སྤྱད་དང་།

རྒྱ་མདའ་ཞོ་བཞི་མ་འདྲ་འདྲ། འཕང་བཞག་ན་བསྒྲལ་འཇོག་སྤྱད།

རྟ་རྒྱ་ར་ཁུས་འི་བུད་ནི་དང༌། དུང་དཀར་མོ་འདམ་ནས་ཕྱུང་ནི་འདྲ།

ཡར་ཞུ་དཔོན་ལ་ཐང་ཡོད། མདའ་སྐྱ་སྤང་ལ་ཟུག་ཡོད།

རྫ་ཁྲ་ཡག་དཀྱིལ་གྱི་ལམ་ཞིག་སྟོན་དགོས། འབྲོང་བྲེ་མ་ཤི་བའི་རོ་ཞིག་སྟོན་དགོས།

བདག་པོ་རང་རྒྱུའི་སྟེང༌། མཛོ་མོ་རྟོལ་རོའི་སྟེང༌།

བྲིས་པའི་ཡི་གེ་དེ་ནག་ཤར་རེ། བརྒྱད་པའི་ཐིག་ཚེ་དེ་དམར་སྒོར་རེ།

ཨ་སེར་ཚིག་གི་བཞག་འཇོག་དེ། ལས་མ་ཉན་ཉིན་གླེངས་རྒྱུ།

ས་ནག་གད་པའི་རྟགས་འཇོག་དི། ལམ་ནོར་གི་ཉིན་པར་ལྟ་ས།

རྭ་ཆ་གཉིས་འཆད་ས། རྐང་གཟུགས་བཞི་བསྒོར་ས།

ནག་གོར་རེ་བཏགས་ས། དམར་ཐར་རེ་བཤའ་ས།

ཕ་ཨ་མའི་ཀླད་སྒོག་འཇོག་ས། ཆུང་ཨ་ལིའི་ལྟེ་ཁྲག་འཕོ་ས།

ཉིན་མོ་མིག་གིས་རིག་ནི། མཚན་མོ་ལག་པས་བཟུང་ནི།

Mandala Collections Audio-Video