ཕ་རུའི་རི་དེ་གསེར་གི་རི། | Mandala Collections - Audio-Video

21 Dec 2016

1 min 4 sec

Audio Overview

Creators:

Gangsol Folk Culture Preservation Project

Gangsol Nomadic Oral Folk Traditions

ཕ་རུའི་རི་དེ་གསེར་གི་རི།།
སུ་རུའི་རི་དེ་གསེར་གི་རི།།
གསེར་རི་གཉིས་གྱི་འདུས་མདོ་ན།།
གསེར་ཆུ་ཟིག་གིས་འཁྱ་མ་འཁྱིས།།
གསེར་ཟམ་ཟིག་གིས་ལྡ་མ་ལྡེམ།།
བན་ཆོས་ཡོད་ཕ་རུའི་འབུད་ས་རེད།།
བན་ཆོས་མེད་སུ་རུའི་ལུས་ས་རེད།།
ཆོས་ཡོད་མེད་ཤན་དྭངས་ཤན་འབྱེད་ས་ཕྱེ་ས་རེད།།
ཕ་རུའི་རི་དེ་དངུལ་གི་རི།།
སུ་རུའི་རི་དེ་དངུལ་གི་རི།།
དངུལ་རི་གཉིས་གྱི་འདུས་མདོ་ན།།
དངུལ་ཆུ་ཟིག་གིས་འཁྱ་མ་འཁྱིས།།
དངུལ་ཟམ་ཟིག་གིས་ལྡ་མ་ལྡེམ།།
བུ་དཔའ་ཡོད་ཕ་རུའི་འབུད་ས་རེད།།
བུ་དཔའ་མེད་སུ་རུའི་ལུས་ས་རེད།།
དཔའ་ཡོད་མེད་ཤན་དྭངས་ཕྱེ་ས་རེད།།
ཕ་རུའི་རི་དེ་དུང་གི་རི།།
སུ་རུའི་རི་དེ་དུང་གི་རི།།
དུང་རི་གཉིས་གྱི་འདུས་མདོ་ན།།
དུང་ཆུ་ཟིག་གིས་འཁྱ་མ་འཁྱིས།།
དུང་ཟམ་ཟིག་གིས་ལྡ་མ་ལྡེམ།།
སྨན་གནས་ཡོད་ཕ་རུའི་འབུད་ས་རེད།།
སྨན་གནས་མེད་སུ་རུའི་ལུས་ས་རེད།།
གནས་ཡོད་མེད་ཤན་དྭངས་ཕྱེ་ས་རེད།།