ང་ད་ནངས་ཡར་ར་འགྲོ་དུས་བོ། | Mandala Collections - Audio-Video

21 Dec 2016

59 sec

Audio Overview

Creators:

Gangsol Folk Culture Preservation Project

Gangsol Nomadic Oral Folk Traditions

ང་ད་ནངས་ཡར་ར་འགྲོ་དུས་བོ།།
ཤིང་ཤུག་ལོ་གཉིས་འི་མགོ་ན་བོ།།
བྱ་ཁུ་ལོ་གཉིས་འི་རིག་གྱ་ད།།
སྐད་སྙན་མོ་གཉིས་མོ་འི་འགྲིག་གྱ་བོ།།
ང་དོ་གདོང་མར་ར་ཡོང་དུས།།
བྱ་ཁུ་ལོ་གནའ་སོང་ད་སོང་རེད།།
ཐང་ཆེན་པོ་མ་སོང་རང་ཡུལ་རེད།།
ཞེ་རྨངས་ན་དེ་དུས་རྨངས་ཀི་འོ།།
ང་ད་ནངས་ཡར་ར་འགྲོ་དུས་བོ།།
སྡེ་ཆེ་བོ་གཉིས་འི་གཡས་ཟུར་ན།།
སྨན་ཞི་མོ་གཉིས་འི་རིག་གྱ་ད།།
མགོའི་གཡུ་བྱུར་གཉིས་འི་འགྲིག་གྱ་བོ།།
ང་དོ་གདོང་མར་ར་ཡོང་དུས།།
སྨན་ཞི་མོ་གནའ་སོང་ད་སོང་རེད།།
ཐང་ཆེན་པོ་མ་སོང་རང་ཡུལ་རེད།།
ཞེ་རྨངས་ན་དེ་དུས་རྨངས་ཀི་འོ།།
ང་ད་ནངས་ཡར་ར་འགྲོ་དུས་བོ།།
ཐང་ཆེ་བོ་གཉིས་འི་གཡས་ཟུར་ན།།
རྟ་འདོ་ལོ་གཉིས་འི་སྦྲོས་གྱ་ད།།
མགོའི་རྣ་མཆོག་གཉིས་འི་འགྲིག་གྱ་བོ།།
ང་དོ་གདོང་མར་ར་ཡོང་དུས།།
རྟ་འདོ་ལོ་གནའ་སོང་ད་སོང་།།
ཐང་ཆེན་པོ་མ་སོང་རང་ཡུལ་རེད།།
ཞེ་རྨངས་ན་དེ་དུས་རྨངས་ཀི་འོ།།